కవిత నెం84:నేనంటే

కవిత నెం :84

నేనంటే <<<<<>>>>>>>>>నేనింతే 
****************************
నేనంటే ..... నేనింతే 
నాలో లోపము ఇంతే 
నాలో కోపము ఇంతే 
నాలో స్నేహము ఇంతే 
నాలో వైరము ఇంతే 
నాలో భావాలు ఇంతే 
నాలో భాద ఇంతే 
నాలో ద్వేషం ఉండదంటే 
నన్ను ఈర్షా తాకదంతే 
నాలో స్వార్ధం లేదంటే 
అహం అందరిలోనూ అంతే 
నాలోని అహం కొంచెమంతే 
పొరపాట్లు జరుగుతాయంతే 
నేను తప్పు చేస్తే ఒప్పుకుంటాను ఇట్టే 
నా వ్యక్తిత్వం నా సొంతమంతే 
అప్పుడప్పుడు రాజీ తప్పదంతే 
ఆశ ,కోరిక అందరికీ అంతే 
నేనూ అశ పడుతుంటాను ఇట్టే 
నాలో ధైర్యము అంటే 
అప్పుడప్పుడూ భయమూ వస్తుందంతే 
విజయమంటే ఇష్టము ఇంతే 
ఓడిపోవటంలో ఆనందము ఇంతే 
కపటాలు తెలియవు అంతే  
చొరవతో మాట్లాడటం తెలుసునంతే 
మంచికి ముందుంటాను  అంతే 
చెడుని సహించలేని గుణము ఇంతే 
నాకు ప్రేమ ఎక్కువంతే
నాకున్న పద్దతులు ఇంతే 
నాకు తెలిసిందీ ఇంతే 
నేను మారను అంతే 
నేను మారాల్సింది లేదంతే 
//రాజేంద్ర ప్రసాదు // 22. 02. 15 //

Read More

కవిత నెం 83:ప్రేమంటే ...

కవిత నెం :83

!! ప్రేమంటే ... !!

ప్రేమంటే రెండక్షరాలతో మొదలయ్యే కావ్యం 
ప్రేమంటే రెండు మనసులలో మెదిలే ''సరిగమ'' ల రాగం  
ప్రేమంటే రెండు హృదయాలతో జరిగే ''సంఘర్షణ '' యాగం 
అందమైన భావం ఇది, ఏడురంగుల ఇంద్రధనుస్సు ఆకారం 

ఒక రూపమంటూ లేనిది, లోకమంతటా సంచరించేది 
భాషంటూ లేనిది ,ప్రతి మనసునీ చదివేస్తూ ఉంటుంది 
కులమతాలకు అతీతమైనది  -మానవతే తన తత్వమైనది 

ప్రతి మదిలో మెదిలే ఏకైక మంత్రం ''ప్రేమ ''
ఊహలకందనిది  , ఊసుల నిక్షేపమిది ''ప్రేమ '' 
కనపడదు కాని, తనపై కవిత్వాలనే వ్రాయిస్తుంది ''ప్రేమ'' 
అందం ,ఆకర్షణలకు లొంగనిది ,అంతరంగ తలపుల సంగమమది 

ఏ హద్దులు లేనిది ,అనంతమై విశ్వమంతటా నిండి ఉంటుంది 
మాటలతో చెప్పలేనిది , అనుభవాత్మక ప్రేరణ ఇది 
అన్ని బంధాలతో  అల్లుకుని ఉంటుంది ''ప్రేమ''
పవిత్రమైన ఆత్మీయతకు అర్ధం ''ప్రేమ ''
స్వార్ధం లేనిది ప్రేమ , స్వచ్చమైనది ప్రేమ 
మరణం లేనిది ప్రేమ , మనసుల సంజీవని ప్రేమ 

నిరీక్షణను గెలుస్తుంది ప్రేమ,  త్యాగానికి ముందుంటుంది ప్రేమ 
అమూల్యమైనది ప్రేమ ,అపూర్వమైనది ప్రేమ 
నీ వెంటే పయనించేది ప్రేమ , నీకు తోడులా వచ్చేది ప్రేమ
ఆశలకు ఊపిరినిచ్చేది ప్రేమ, అందరికీ గొప్పవరం ప్రేమ 

ఎన్ని ప్రేమల సమూహమో కదా... మన మానవ జన్మ 
''ప్రేమ'' లేని ప్రకృతిని ఊహించటం మన తరమా ?
''ప్రేమ'' మనం ప్రేమించే ప్రతి జీవిలో ,ప్రతి వస్తువులో ఉంటుంది 
ఆ ''ప్రేమ'' మనం జీవించినంత కాలం మనతోనే ఉంటుంది 

''ప్రేమ''ను ప్రేమగా చూస్తే ప్రేమించటం తెలుస్తుంది 
''ప్రేమ''తో కాలక్షేపం చేస్తే విషాన్ని చిమ్ముతుంది 
ప్రేమంటే పవిత్రత కాని ... కళ్ళు మూసుకునే కామం కాదు 
ప్రతి దానికి ''ప్రేమ'' పేరు చెప్పి ప్రేమ విలువను  తగ్గించకు 

సాహితీ సేవ చిత్ర కవిత పోటీ -13 కోసం 
//రాజేంద్ర ప్రసాదు //21. 02. 15 //

Read More

కవిత నెం82:నీతో నీవు కాసేపు

కవిత నెం :82

నీతో నీవు కాసేపు 
**************************

ఎప్పటికప్పుడు నువ్వే గ్రేట్ గా 
చేసిన తప్పులో ఒప్పే నీదిగా 
ఎందుకలా ఎదురుదాడిలా 
ఉంటావిలా వితండవాదిలా 
బదులే లేని ప్రశ్నలా 
మనసే లేని మనిషిలా 
పాతుకుపోయిన వేరులా 
పనికి మాలిన చెత్తలా 

ఉండిపోయావు నీవే నీలా 
ఒక్కడిలా ఒక్కడిలా    

ఒక్క క్షణమైనా గుర్తించావా - అది నిన్ను దాటి పోయింది 
ఒక్క చోటునైనా గమనించావా - నీ రాణింపు ఎక్కడుందని    //ఒక్క //

ఎదగాలిరా మనిషి పట్టుదలతో 
ఎదిగి ఉండాలి మనిషి పేరు ప్రఖ్యాతలతో 
ఎదుగుదలకి అవసరం ఓర్పు 
ఓర్పు చూపించటం కూడా ఒక నేర్పు 
ఆ నేర్పు లేని జీవితంలో ఉండదు మార్పు 
ఇది ప్రపంచమే ప్రకటించిన తీర్పు 

ఆలోచన నీకుంటుంది అది యోచిస్తే సాధ్యమే 
సమర్ధత నీకుంది అది నీలోనే దాగుంది 
లక్ష్యం నీ వెంటుంది అది సాధనలో వస్తుంది 
కష్టం ఒక్కటే నీ ఫలితాన్ని చూపించదు  
సమయానుభవమే అణుకువ నేర్పించును 

నిజమెప్పుడూ నేరుగా ,సూటిగా ఉంటుంది 
అబద్దమే అందంగా నిజాన్ని దాచేస్తుంది 
ఆవేశంతో అభిమానించటం మరువకు 
కొనియాడి వైరాలను నీ వెంటరానీయకు 
ముక్కుసూటితనం తప్పు కాదు 
మృదులంగా మాట్లాడి చూడు 

నీ కంటూ నువ్వు ప్రత్యేకమే 
కాని అందరిలోనూ కలవలేకపోతే నువ్వు ఏకాకివే 
నీ నవ్వు నువ్వు చూడటం కాదు 
పదిమంది ఆ నవ్వుని చూసి స్నేహం చెయ్యాలి 
నీ కోపం శాపం కాకూడదు 
ఆ కోపాన్ని నీ ముఖకదలికలోకి రానీయకు 
నువ్వంటే నీకు ఇష్టమే 
అందరూ నువ్వంటే ఇష్టపడేటట్టు నువ్వుండాలి 

//రాజేంద్ర ప్రసాదు // 20. 02. 15 //

Read More

కవిత నెం81:ప్రేమిస్తా

కవిత నెం :81

ప్రేమను ప్రేమగా పొందాను ,పొందుతున్నాను 
ప్రేమను ప్రేమగా చూడటమంటే తెలుసుకున్నాను 
ప్రేమకు అర్ధమే నీవని ,నీవుంటే ఏమీ అవసరంలేదని 
ప్రేమలోన దాగున్న ప్రేమను నాకోసం పంచావు 
ప్రేమతో నన్ను ప్రేమిస్తూ నా ప్రాణమై నిలిచావు
ప్రేమాక్షర భీజాలను నాలో నాటావు 
ప్రేమాక్షయ పాత్ర లాగా నిరంతర ప్రేమను ఇస్తున్నావు 
నిన్ను ప్రేమిస్తూ ,నాలోన నీపై ప్రేమను ప్రేమిస్తూ 
''ప్రేమ '' మంత్రం జపిస్తూ ప్రేమికుడిలా పయనిస్తూ 
నీ ప్రేమ హస్తంతో ప్రేమమయం లో విహరిస్తూ 
ప్రేమతో నిండిన హృదయాలతో జీవిస్తున్నాము 
ప్రేమంటే కలవరం అనుకున్నా కాని 
నువ్వొచ్చాక తెలిసింది నీ ప్రేమ పొందటం ఒక వరం అని 
అందుకే నిన్ను ప్రేమిస్తున్నాను 
ప్రేమిస్తాను ..... ప్రేమిస్తూనే ఉంటాను

Read More

కవిత నెం 80(మరణం)

కవిత నెం :80

నేడు సంభవిస్తున్న మరణాలను చూసి 
మనసు వేదన చెంది మరణాన్ని ప్రశ్నిస్తున్న వేళ నా ఈ ''మరణం '' పై కవిత 
//////మరణం //////////
మరణం మరణం మరణం 

నీకు ఉండదా ఏ తరుణం

చల్లగా నీవు వస్తావో 

నిశ్శబ్దం సృష్టిస్తావో 

ఎప్పుడు ఏ మూల ఉంటావో 

ఏడ ఏడ దాగుంటావో

ఎవ్వరు నీకు బంధువు కాదు 

ఎవ్వరు నీకు శత్రువు కాదు 
మరి ఏమని నువ్వు ఎదురొస్తావు
ఎందుకిలా శాసిస్తావు
కాలమైన నీ జోడి కాదు 
నీ జడి దెబ్బకు సాటి లేదు 

ఒక్కసారిగా సాగే చక్రం 
ఉన్నపాటున ఆగునా ?
దిక్కులన్నీ నడిచే క్రమమున 
ఏ దిక్కులేకన ఈ దండన ?

నువ్వంటే భయమా ,భారమా ? 

బ్రతికుండగా భయాలోంధన

అంధకారమే అన్యుడిలాగా

హలాహలన్నే చిమ్మునా 

కాంతిహీనమై మారి దేహము

వినీలమయ్యి పోవునా 

చర చర చర ధ్వనులే మ్రోగి

జర జర విద్వంసం చేయునా?

ఎక్కడి గుండెలు అక్కడే ఆగి 

మృత్యు కేల అవలంభించునా ?

కనికరమే లేని ఓ పాషమా

ఏ పాపమంటూ నీకు లేనే లేదా ?

కాష్మాండం కరుడ గృహల్లో 

కమ్మగా నీ నిద్ర వచ్చునా ? 

ఏమిటి నీ ఈ రణం  

ఏమిటి నీ ఈ మౌనం

మరణమా మరణమా మరణమా    

//రాజేంద్ర ప్రసాదు //10. 02. 15//

Read More

కవిత నెం79:ఏమౌతుంది

కవిత నెం :79 //ఏమౌతుంది //

ఏమౌతుంది ................... 

మనసు మూగబోయింది
మాట పొదుపు నేర్చింది
కాలం ముందుకెళ్తుంది
సమయం జారిపోతుంది
ఆశ అల్లుకుపోతుంది 
అవకాశం ఎదురుచూస్తుంది
అనుమానం ఎదురువస్తుంది
ఉత్సాహం ఉరకలేస్తుంది
ఒంటరి ఒంటరౌతుంది
తుంటరి ఆడుకుంటుంది 
స్వరం మారిపోతుంది 
స్నేహం మిగిలిపోతుంది 

//రాజేంద్ర ప్రసాదు //02. 02. 15//

Read More