ఎవర్రా మీరంతా (363)

ఎవర్రా మీరంతా! 

నీ పుట్ట - పొట్ట నువ్వు చూసుకోకుండా

ఎదుటివాడి తలరాత మారుద్దామనుకుంటావా

నీ గొప్పలు - నువ్వు చెప్పుకో అబ్బీ

ఎదుటివాడి తిప్పల లెక్కలు నీకెందుకు సుబ్బీ

కష్టపడదామనుకో తప్పులే

ఎదుగాదమనుకో అదీ తప్పులే

నువ్వు పడేది మాత్రమే కష్టమనుకుంటే ఎలాగే?

ఎన్నెన్ని వేషాలు ఎంతెంతమంది దగ్గర

నీ అస్సలును కప్పెట్టి

రంగులు మార్చుకుంటూ 

నీ రంగుప్రదర్శన భలేగుందమ్మీ

నీ పేరుకై ప్రాకులాడతావు

పక్కోడికి పేరొస్తే విలవిలలాడతావు

నీవంటే మంచి ,కుంచి అని మార్క్ ఉండాలని

ఎదుటోడినే నీ మాటల బందీగా చేసి 

తియ్యగా చెవిలో జోరీగలా చేరి

మొత్తానికే మనవాడినే మార్చేస్తావు

నిన్ను నమ్మి ,నీతో స్నేహం చెస్తే 

నమ్మినోడికే పంగనామం పెట్టి

నవ్వుతూ వాడినే వెన్నుపోటుల పొడిచి

కాటువేసి ఒంటరిగా చేస్తావు

ఏముంటుంది ఈ జీవితంలో

కాసింత హాయి ,కూసింత మాయే కదా

ఒకర్ని సంతోషంగా ఉంచలేవా ? నీకు చేతకాదా?

సంతోషపు నవ్వులు కూడా నువ్వు చూడలేవా?

అందరినీ ఆ జీవుడు ఆడిస్తుంటే

నీకు తెలిసిన మనిషితోనే నీ ఆట భలా భళి

నువ్వేదో కారణజన్ముడిలా

నువ్వేదో గొప్ప మనుజుడులా

నీ చుట్టూ అందర్నీ తిరిగేలా చేసుకుంటూ

నువ్వుండేది మాత్రం  పదిలంగా నలుగురిలో

నువ్వు మిగతావారిని చూసేది మాత్రం

ఒంటరిగా ,ఒక్కడిగా అందరిలో

Read More

భయంలోనే మనం (362)

 గతాన్ని తలుచుకుంటూ

వర్తమానాన్ని వృధా చేయరాదు

వర్తమానంలో కాలయాపన చేస్తూ

భవిష్యత్తుని కాలరాయరాదు 

నువ్వు భ్రమ పడిన సంఘటనలనుంచి

నువ్వు భయపడిన ఘట్టంల దాకా

ఆ క్షణం ,ఆ నిముషం వరకే తప్ప

భ్రమలకు ,భయ బ్రాంతులు కారాదు 

నువ్వు భయపడేవి నిన్ను భయపెట్టలేవు 

నీ కల్పితమైన ఆలోచనలు తప్ప

అసంకల్పిత ప్రతీకారచర్యలు అనేకమయిన

నీ సంకల్పబలం ముందు అవి అల్పమే

డబ్బులతో పుట్టుకొచ్చే జబ్బులెన్నో

చికిత్సకు లొంగని వ్యాధులెన్నో

ప్రశాంతంగా నీవుంటే ప్రకృతే వరమౌతుంది

ఆస్వాదించే గుణముంటే నీ బాధకూడా మాయమౌతుంది

కంగారుపడి నీ ఖర్మని మార్చుకోకు

చంద్రుడిలా వికసిస్తూ ,సూర్యుడిలా ప్రకాశించు

ఉజ్వలమైన భవిష్యత్తు నీకుండగా

ఉరుము ,మెరుపులకే ఉలికిపాటు ఎందుకురా?

జన్మను ఇచ్చాడు కదా ఆ జీవుడు

అందమైన జీవితంకి ఆహ్వానం పలుకుతుండూ

పోరాటాలు ,యుద్దాలు చేయనవసరం లేదు

పూజలు ,యాగాలు చేయనవసరం లేదు

అంతా మంచికే అనుకో ,అడుగేస్తూ ముందుకు సాగిపో

'భయం' అనే అనుభూతి కూడా ఒక ఆటవస్తువే

ఈ 'ఆట ' లో గెలుపుకొరకు అన్వేషించరా

నీ ధైర్యంతో భయమనే బలహీనతని గెలవరా

మిటుకు మిటుకుమంటూ మొద్దుబారి పోకు

ఆ కిటుకు తెలుసుకుంటూ ,కృష్ణ లీల చూడు

Read More

ప్రేమ-పిలుపు (361)

ప్రేమ-పిలుపు 

కమ్మని కల - కౌగిలికి చేరే వేళ

ఉదయించే కిరణం - వెలుగుని ప్రసాదించే వేళ

ఆ హాయిని ,ఉషోదయానికి స్వాగతం చెప్పలేక

విఘాతం కలిగించిన విఘాతకుడిని

అందివచ్చిన ప్రేమఫలాన్ని అందుకోలేక

రాహువులా సూర్యుడినే మ్రింగిన గ్రహణాన్ని

అవకాశం వినియోగించుకోమని సూచిస్తుంటే

అహంకారం తరిమికొట్టమని ఆజ్ఞాపించింది 

అనుభవం వలపు వన్నెలలో విహరిస్తుంటే

ప్రస్థుతం చీదరింపులకి దగ్గరవుతుంది

నా ప్రేయసి పిలుపుని వినలేకపోయాను

మది తలుపుని గట్టిగా బిగించుకున్నాను 

ప్రేమాంతరపు లోతుల్లో తొంగిచూడలేక

ఆలపిస్తూ ,విలపిస్తున్నాను ప్రియమైన దానికోసం

తన చొరవని ,ఆజ్ఞ అనుకుని హద్దు గీసుకున్నా 

తన ప్రేమని ,భ్రమ అనుకుని శిక్షను అనుభవిస్తున్నా

తగిన శాస్త్రి కావాల్సిందే నాకు

తనను అభిమానించలేని ఆభాగ్యుడినిగా 

Read More

కవిత(360)

కవిత ఓ కవిత

అందమైన వనిత

నీ పేరులో ఉంటుంది బావాత్మకత

నిన్ను చూడగా ఎదలో ఏదో కలవరింత

నీ స్నేహంతో మొదలైంది నాలో పులకరింత

ఆగదేమో ఇప్పట్లో ఈ కేరింత

అలజడిలా అనిపిస్తుంది తనువంతా

నా మనసు కోరుకుంటుంది నీ జత

కవిత ఓ కవిత 

ఒక కావ్యరూపానివి నీవు

Read More

ప్రేమ సిద్దాంతం (359)

ప్రేమ సిద్దాంతం 

ప్రేమించేటప్పుడు నువ్వే నా ప్రాణమనిపిస్తుంది

ప్రేమలో ఉన్నప్పుడు నువ్వే నా సర్వమనిపిస్తుంది

ప్రేమలో గెలిస్తే ,కల నిజమైంది అనిపిస్తుంది

ప్రేమలో విఫలమయితే ,కల కలలానే ఉండిపోతుంది

ప్రేమ విఫలమయ్యి ,దూరం పెరిగితే

మనసులోని బాధ వ్యాదిలా మారిపోతుంది

ప్రేమంటే సత్యమైన ఆరాధన నీకుంటే

ఎంతటి భారమైనా బంధంలా అనిపిస్తుంది

ప్రేమలో ప్రేమించినవారిని వదులుకున్నాక

అర్ధం చేసుకుంటే వారి ఆంతర్యం తెలుస్తుంది

అపార్ధం చేసుకుంటే వ్యర్ధం అనిపిస్తుంది

ఒక్కసారి ఒంటరైతే తెలుస్తుంది

ప్రేమంటే ఏమిటో 

ప్రేమించిన వారి మనసు ఏమిటో

అనుకోని ప్రేమ నీకోసం తిరిగి మళ్లీ వస్తే

అంతకుమించి ఏముంటుంది 

వరమైనది నీకే వశమైందనిపిస్తుంది

మనకు మించి అదృష్టవంతులు ఎవరు అనిపిస్తుంది

ప్రేమలో గెలిచినా ,గెల్వలేకపోయినా

ఆ జన్మాంతం ప్రేమలో ,ప్రేమతో నిలబడగలటం గొప్పతనమే మరి!

- గరిమెళ్ళ రాజేంద్రప్రసాద్

Read More

358 (వలపుతెర)

 నా మనసు నీ సాంగత్యం కోసం ఎదురుచూస్తుంటే

నువ్వేమో నా మనసుని ఎప్పుడు గెలుద్దామా అని చూస్తున్నావ్

నువ్వు నాతో ఉన్నావని తెలుసుగా 

నీ జతలేని నేను ఒంటరి నే కదా

మరి తుంటరిగా ఎందుకు తూట్లు పొడుస్తున్నావ్

గాయమైనా భరించగలనేమో కాని

నువ్వు పెట్టే ఈ పరీక్షను లిఖించలేను

Read More

నేనేప్రేమా(357)

 నాకు లేడీస్ తో మాట్లాడటం రాదు

నా మాట కరుకు

నాకు ఉండదు బెరుకు

అందుకే నేనంటే అందరికీ చిరాకు

నువ్వు దూరంగా ఉండాలని

అనుకోవటంలో తప్పు లేదు

ఆడపిల్లలతో కేరింగా ఉండటం

నాకు చేత కాదు

అందుకే నాకు అమ్మాయిలతో

కాంటాక్ట్స్ తక్కువ

చాలా రోజుల తర్వాత

నాతో మాట్లాడుతున్నావ్

నీకు అర్ధం కావలంటే చాలా టైం పడుతుంది

అస్సలు అర్ధమే కాకపోవచ్చు

నువ్వు ఎంతో సుకుమారం గా పెరిగి ఉండవచ్చు

అందరూ నిన్ను గారాభంగా చూసుకుంటూ ఉండొచ్చు

నాకు అంత ఔధార్యం లేదు

నేను ఊరికే అలుగుతాను

నాకు త్వర్గా కోపం వస్తూ ఉంటుంది

నా మనసు మంచిది కాదు

అస్సలు నేను అనేవాడినే మంచోడిని కాదు

పిచ్చోడిని అంటారేమో 

నాకు తెలియదు

నాతో రిలేషన్ కావాలి అనుకునేవాళ్ళు 

అందరూ నాలో ఎన్నో షేడ్స్ చూసి 

భయపడుతూ ఉంటారు 

నాకు అహం ఎక్కువ

నాకు అణకువ తక్కువ

నీ జీవితం నీ సంతోషం నీకు ముఖ్యం

అప్పుడూ నిన్ను ఇబ్బంది పెట్టాను

దానికి ఇంకా అనుభవిస్తున్నాను

ఇప్పుడు కూడా ఇబ్బంది పెడుతున్నాను

అన్నింటికీ కలిపి 

ఒక పెద్ద క్షమాపణ అడిగినా కూడా సరిపోదేమో

అమ్మాయి ,అమ్మ ,భార్య అందరూ ఒక్కటే కదా

అదేంటో అన్నీ తెలుసు 

అవి పాటించాలంటే ఎందుకో అలుసు

నన్ను క్షమించండి

నా జోలికి ఇంకెప్పుడు రాకండి

నా రాక మీకు తిక్క పుట్టిస్తుంది

నా స్నేహం మీకు జిగుప్సని తెస్తుంది

నా సంతోషం కూడా మీరు కోరుకోనవసరం లేదు సుమీ

ఎందుకంటే అది ఎప్పుడూ నాతో ఎక్కువగా ఉండలేదు

మీరు నాపై చూపే ప్రేమకు ,ఆప్యాయతకు 

దన్యవాధములు

ఇక ఉంటాను మరీ

సెలవు ఇంకా సెలవు

Read More