ఎవర్రా మీరంతా!
నీ పుట్ట - పొట్ట నువ్వు చూసుకోకుండా
ఎదుటివాడి తలరాత మారుద్దామనుకుంటావా
నీ గొప్పలు - నువ్వు చెప్పుకో అబ్బీ
ఎదుటివాడి తిప్పల లెక్కలు నీకెందుకు సుబ్బీ
కష్టపడదామనుకో తప్పులే
ఎదుగాదమనుకో అదీ తప్పులే
నువ్వు పడేది మాత్రమే కష్టమనుకుంటే ఎలాగే?
ఎన్నెన్ని వేషాలు ఎంతెంతమంది దగ్గర
నీ అస్సలును కప్పెట్టి
రంగులు మార్చుకుంటూ
నీ రంగుప్రదర్శన భలేగుందమ్మీ
నీ పేరుకై ప్రాకులాడతావు
పక్కోడికి పేరొస్తే విలవిలలాడతావు
నీవంటే మంచి ,కుంచి అని మార్క్ ఉండాలని
ఎదుటోడినే నీ మాటల బందీగా చేసి
తియ్యగా చెవిలో జోరీగలా చేరి
మొత్తానికే మనవాడినే మార్చేస్తావు
నిన్ను నమ్మి ,నీతో స్నేహం చెస్తే
నమ్మినోడికే పంగనామం పెట్టి
నవ్వుతూ వాడినే వెన్నుపోటుల పొడిచి
కాటువేసి ఒంటరిగా చేస్తావు
ఏముంటుంది ఈ జీవితంలో
కాసింత హాయి ,కూసింత మాయే కదా
ఒకర్ని సంతోషంగా ఉంచలేవా ? నీకు చేతకాదా?
సంతోషపు నవ్వులు కూడా నువ్వు చూడలేవా?