కవిత నెం : 23 //మామిడి //

కవిత నెం : 23//మామిడి //

ఫల జాతుల్లో రారాజు పసందైన ఫలరాజు
మధురమైన తియ్యదనం మధురంగా అందించేను 
అందరికీ ఇష్టమైన ఫలం -అన్ని కాలాలకు ఉంది దీని అవసరం 
ఆయురారోగ్య సుగుణములున్న ''అమృతఫలం ''
వేసవికాలంలో దాహాన్ని తీర్చే ''అక్షయఫలం ''  
రుచిలో దీనికిదే సాటి - దీనిని మరువగలగటం ఎవ్వరి పాటి 
పండుగ దినములలో ''మామిడి తోరణం '' స్వాగతానికి చిహ్నం 
వంటలలో ''మామిడి పప్పు ''ఆస్వాదించగల వంటకం 
తెలుగు సంవత్సరారంబానికి ''ఉగాది పచ్చడి '' గా శుభసూచకం
సువాసనల గుభాలింపులలో దాగుంది ఒక తియ్యని కమ్మదనం 
నోరూరించే షర్బత్తులు ,మామిడితాండ్ర లు, జామ్ లు ,ఇలా మధుర పానీయాలు 
పర్యావరణానికి ప్రాణాన్నందించే ''మామిడి వృక్షం'' లోన అమ్మదనం 
వసంత వెలుగులలో ''మామిడి సొగసుల '' దే హవా 
''జాతీయ ఫలం '' గా వెలుగొందుచున్న మన ''మామిడి '' నిచ్చే 
సందడి ఆనదించదగినది .... ఆహ్లాదభరితమైనది