కవిత నెం : 241
బంధాలు అనుబంధాలు అంటే నాకిష్టం
కొత్తవారినైనా త్వరగా అల్లుకోగలనేమో
అల్లుకున్న బంధం మామిడి తోరణంలా
పచ్చగా పది కాలాలు పాటు సాగాలని
నా మనసుకు ఉంటుంది ఆరాటం
కానీ ప్రతీ బంధమూ మనది కాదు , మనదై పోదు
స్నేహాలు కొన్ని , సంతోషాలు కొన్ని
అవమానాలు కొన్ని , ఆశలకెరటాలు కొన్ని
ఆత్మీయతలు కొన్ని , అంతరంగాలు కొన్ని
అభిమానాలు కొన్ని , అంతమయ్యేవి కొన్ని
అద్భుతాలు కొన్ని , అంతమయ్యేవి కొన్ని
ఈ బంధాలలో రక్త సంబంధాలు కొన్ని
ఏ సంబంధం లేకుండా పుట్టేవి కొన్ని
ఆకర్షణకు గురి కావటం మానవ నైజం
తేడా వస్తే ఘర్షణ జరిగి సంఘర్షణకు గురి కావటం
సమాజం లో నిజంగా సంభవించటం అది సహజం
కొన్ని పరిచయాలు శాశ్వతంగా
పరిచయం ఉన్నవే మనకు దూరంగా
దూరమైనవి దగ్గరగా , దగ్గరగా ఉన్నవి దూరంగా
అంతులేని బంధాల సమూహకార్యాలాపన
అందమైన మానవ సంభంధాల సమారాధన
ఎంతోమంది మనచుట్టూ ఉన్నా
మనకంటూ చెప్పుకునే వారు ఎందరున్నా
అయినవారు మన బంధం కోరుకోకపోయినా
కానివారు మనస్సుకు చేరువై బరువుగా మారినా
గుండెల్ని పిండేసేలాగా బంధాలు మారినా
తట్టుకోలేని జీవన విధానం మానవ చక్రం
మనిషి ఎక్కడున్నా , ఏ మూలానున్నా
తన చుట్టూ ఎదో ఒక బంధం పెనవేసుకునే ఉంటుంది
బాధ్యతతో వాటికి బానిస కూడా మనిషి
అస్సలు ఈ బంధాలు ఏమిటి అనిపిస్తుంటుంది ఒక్కొక్కసారి
కానీ బంధమే లేనిదే మనిషి బ్రతకటం అసాధ్యమే
అది ఈ సృష్టితో దాగియున్న ఒక బంధం
అయినా వాళ్ళని లెక్క చెయ్యని బంధాలు కొన్నైతే
కాని వారితో సంబంధాలు కలుపుకుని బ్రతికేవారు కొందరు
ఎక్కువగా ఎవ్వరూ పరిచయం అవ్వకపోయినా
మనవారు ఎవ్వరూ మనల్ని చూడకపోయినా
పరవాలేదు కాని ....... .......
మనకోసం వచ్చి , మనల్ని మెచ్చి ,
తరువాత వారికి వెగటు వచ్చి
ఒంటరిగా చేసే వారు మాత్రం లేకుండా ఉంటే చాలు
అలానే పిచ్చి పిచ్చి సంబంధాలు లేకుంటే చాలు
సరదాగా , సంతోషంగా ఉన్నన్నాళ్లు తోడుంటే చాలు
- గరిమెళ్ళ గమనాలు // 02. 12. 2016 //
బంధాలు అనుబంధాలు అంటే నాకిష్టం
కొత్తవారినైనా త్వరగా అల్లుకోగలనేమో
అల్లుకున్న బంధం మామిడి తోరణంలా
పచ్చగా పది కాలాలు పాటు సాగాలని
నా మనసుకు ఉంటుంది ఆరాటం
కానీ ప్రతీ బంధమూ మనది కాదు , మనదై పోదు
స్నేహాలు కొన్ని , సంతోషాలు కొన్ని
అవమానాలు కొన్ని , ఆశలకెరటాలు కొన్ని
ఆత్మీయతలు కొన్ని , అంతరంగాలు కొన్ని
అభిమానాలు కొన్ని , అంతమయ్యేవి కొన్ని
అద్భుతాలు కొన్ని , అంతమయ్యేవి కొన్ని
ఈ బంధాలలో రక్త సంబంధాలు కొన్ని
ఏ సంబంధం లేకుండా పుట్టేవి కొన్ని
ఆకర్షణకు గురి కావటం మానవ నైజం
తేడా వస్తే ఘర్షణ జరిగి సంఘర్షణకు గురి కావటం
సమాజం లో నిజంగా సంభవించటం అది సహజం
కొన్ని పరిచయాలు శాశ్వతంగా
పరిచయం ఉన్నవే మనకు దూరంగా
దూరమైనవి దగ్గరగా , దగ్గరగా ఉన్నవి దూరంగా
అంతులేని బంధాల సమూహకార్యాలాపన
అందమైన మానవ సంభంధాల సమారాధన
ఎంతోమంది మనచుట్టూ ఉన్నా
మనకంటూ చెప్పుకునే వారు ఎందరున్నా
అయినవారు మన బంధం కోరుకోకపోయినా
కానివారు మనస్సుకు చేరువై బరువుగా మారినా
గుండెల్ని పిండేసేలాగా బంధాలు మారినా
తట్టుకోలేని జీవన విధానం మానవ చక్రం
మనిషి ఎక్కడున్నా , ఏ మూలానున్నా
తన చుట్టూ ఎదో ఒక బంధం పెనవేసుకునే ఉంటుంది
బాధ్యతతో వాటికి బానిస కూడా మనిషి
అస్సలు ఈ బంధాలు ఏమిటి అనిపిస్తుంటుంది ఒక్కొక్కసారి
కానీ బంధమే లేనిదే మనిషి బ్రతకటం అసాధ్యమే
అది ఈ సృష్టితో దాగియున్న ఒక బంధం
అయినా వాళ్ళని లెక్క చెయ్యని బంధాలు కొన్నైతే
కాని వారితో సంబంధాలు కలుపుకుని బ్రతికేవారు కొందరు
ఎక్కువగా ఎవ్వరూ పరిచయం అవ్వకపోయినా
మనవారు ఎవ్వరూ మనల్ని చూడకపోయినా
పరవాలేదు కాని ....... .......
మనకోసం వచ్చి , మనల్ని మెచ్చి ,
తరువాత వారికి వెగటు వచ్చి
ఒంటరిగా చేసే వారు మాత్రం లేకుండా ఉంటే చాలు
అలానే పిచ్చి పిచ్చి సంబంధాలు లేకుంటే చాలు
సరదాగా , సంతోషంగా ఉన్నన్నాళ్లు తోడుంటే చాలు
- గరిమెళ్ళ గమనాలు // 02. 12. 2016 //
0 comments:
Post a Comment