Sunday 28 June 2015

కవిత నెం159:వేశ్య ఎవరు ?

కవిత నెం :159

వేశ్య ఎవరు ?

ఏ  బ్రహ్మకలం నుండి జారిన పదం ఇది 
ఏ పరబ్రహ్మ సృష్టించిన జన్మ ఇది 
ఎవ్వరు ఈమెనిలా మార్చివేసినది 

ఏ దృతరాష్ట్రుని చేతినుండి పుట్టిన దౌర్భాగ్య స్థితి ఇది 
అవగాహన లేనితనం సాని గృహాలకు బలౌతుంది  
అవకాశమిచ్చిన కాలం ''వేశ్య '' బిరుదును బహుమతినిస్తుంది 

పిలువటానికి సిగ్గు పడే పేరు కదా అది 
తలవటానికే పనికిరాని బూతుపదం కదా అది 
మరి ఎంతో మంది విలాసాల వస్తువైనది 
కొన్ని తలరాతలు మార్చే సిరా అయినది 

కూటికోసం కోటి విద్యలే - మరి ఈ విద్య ఎలా అబ్బినది 
స్వేచ్చ ఉన్నా, పంజరంలో రాబందులకు ఆహారమేనా 
చీకటి బ్రతుకులలో అనాదిగా ఆరిపోయే దీపాలేనా  

ఆడదంటే ఆదిశక్తి స్వరూపమని మరచితిరా 
తరాలు మారినా ,స్త్రీ తలరాత బానిసత్వపు సంకెళ్లేనా  
అలవాటు ముసుగులోఅందులయ్యే  ఆడబిడ్డలు కొందరైతే 
నిస్సహాయపు కోరల్లో ,విష నాగులకు బలయ్యే హృదయాలు ఎన్నో 
ప్రోత్సాహకులు ,కామాందులు  ఉన్నంత కాలం ఈ పేరు మారదు 
ఆడవారిని గౌరవించి గుర్తించ నంత కాలం ఈ వ్యవస్థ మారదు 


Saturday 20 June 2015

కవిత నెం 158:నాన్న నువ్వంటే ఇష్టం

కవిత నెం :155
నాన్న నువ్వంటే ఇష్టం 

నువ్వంటే ఇష్టం నాన్న 
నీ రూపం నా  ఊహలకు మాత్రమే పరిమితమైనా 
నువ్వంటే ఇష్టం నాన్న 
నీ వేలుపట్టి నడకనేర్చింది గుర్తులేకపోయినా 
నువ్వంటే ఇష్టం నాన్న 
నీ భుజాలపై , ఆడుకున్నది జ్ఞాపకాలకే సొంతంఅయినా 
నువ్వంటే ఇష్టం నాన్న 
నన్ను నీ గుండెకు హత్తుకున్న స్పర్శ నాకు దూరంఅయినా 

నాన్నంటే .... తన మనసు వెన్న అని 
నాన్నంటే .... నిలువెత్తు రూపం అని 
వింటుంటే నా చెంత నువ్వెందుకు లేవనిపిస్తుంది నాన్న 

పుట్టింది అమ్మ కడుపులో నుంచైనా 
నా జన్మ నీ రక్త సంబంధమే కదా నాన్న 

పసితనంలో నేను నిన్ను నాన్న అని పిలిచానో లేదో కూడా తెలియదు 
నేను నీలా ఉన్నానని 
నేను నే రూపంలా పెరిగానని 
నిన్ను చూసిన వాళ్ళు నన్ను చూసి 
నిన్ను గుర్తు చేస్తూ ఉంటుంటే ఆనందపడ్డాను 
నాకు నువ్వు ఇచ్చిన ఈ గుణమే ... ఓ మూల ధనము 
నాకు నువ్వు పంచిన అక్షరం .... సంస్కారం 
కాలంతో పాటు నువ్వు వెళ్ళావో .... 
ఏకాంతంలో నన్ను విడిచి వెళ్ళాలో తెలియదు నాన్న 
ఎందరు నా చెంత ఉన్నా , 
నాకు కావలసింది నాకు దొరికినా 
ఏదో తెలియని లోటు ఎద మాటున మౌనంలా మెదులుతున్నా 
నాన్న నువ్వంటే నాకు ఇష్టమే 
ఈ జన్మ ఒక అదృష్టమే నాన్న నువ్వు నాకు నాన్న వైనందుకు