కవిత నెం :296(* ఎందుకు గాబరా *)

కవిత నెం :296
* ఎందుకు గాబరా *

ఒకరికోసం నీ గమ్యం ఆగకూడదు
ఒకరికోసం నీ మార్గం నిర్దేశింపబడకూడదు

ఎవరు  నువ్వో ఈ భూమిపైకి రాకముందు
ఎవరు నువ్వు అనేది నువ్వు నిరూపించుకోవాలి

ఒక అవకాశం నీకై ఎప్పుడు ఎదురుచూస్తూ ఉంటుంది
అనవసరంగా నీ లక్ష్యాన్ని గందరగోళంలో ఉంచకు

ఆట అంటే ఆడతాము ,ఓడతాము ,తిరిగి గెలుస్తాము
జీవితం అనే ఆటలో ఎప్పుడూ గెలవాలని కోరుకో

ప్రతీ విషయానికి క్షుణ్ణంగా వెళ్లి మనసు పాడు చేసుకోకు
నీ కర్తవ్యాన్ని నీవు నిర్వర్తిస్తూ కార్యదీక్షుడవు కమ్ము

నీ వంతు కృషిని ఎప్పుడూ అసమాలోచన చెయ్యకు
నీతి ,నిబద్ధతలతో నీ గమ్యాన్ని సరాళం చేసుకో

ఏదో ఒక కార్యం నీ కోసం ఈ సృష్టిలో మమేకమై ఉంటుంది
నిరాశ ,నిసృహ లతో నిన్ను నువ్వు తక్కువ చేసుకోకు సుమీ

అందమైన జీవితం హాయిని మాత్రమే కోరుకోవాలి
బరువు ,భాద్యతలు ఎన్ని ఉన్నా సంతోషంతో ముందుకు సాగాలి

- గరిమెళ్ళ రాజేంద్ర ప్రసాదు
# 05. 07. 2017

Read More