కవిత నెం12:ఎడబాటు

కవిత నెం : 12
*ఎడబాటు *
నన్నొదిలి నీవు వెళ్ళావో
నిన్ను వదిలి నేను ఉంటున్నానో తెలియదు కాని
నీకు నాకు మధ్య నిలచిన ఈ దూరం మాత్రం
నీవు వదిలిన అడుగు గుర్తులని చూపుతూ
నీ జ్ఞాపకాలను గుర్తుచేస్తూ ఉంది
నీ మీద నే పెంచుకున్న ఆశల కెరటాలని
ఆకాశం వైపుగా పయనించేలా చేస్తుంది
సుదూర తీరాలను తాకవచ్చేమో గాని
నీ హృదయానికి నేనెలా దగ్గర కాగలను
నా గుండె గాయమవుతున్నదే
నీ జ్ఞాపకాల పరిమళాలను పీల్చుకుంటూ
ఈ దూరానికి తీరం లేదా విరహం తప్ప
నా గాయానికి మందు లేదా గమనం తప్ప
ఒక్క అడుగుతో వేలమైళ్ళు ప్రయాణం చేయవచ్చంటారే
అలాగే , ఒక్క అడుగుతో నిన్ను చేరే మార్గం చూపవా చెలీ !