మల్లె పువ్వు (21)

కవిత నెం :20

***** మల్లె పువ్వు *****

ఇది మనసును దోచే పువ్వు 
ఇది మనసుకు హత్తుకునే పువ్వు 
ఇది మన ఊసుల్ని కదిలించే పువ్వు 
ఇది హృదయమున్న అందమైన పువ్వు 
స్వచ్చతకు మారుపేరై పరిమళించే పువ్వు 
పూదోట విరిరాణిగా ప్రకాశించే పువ్వు 
వెన్నెల రాత్రులకు విందునిచ్చే పువ్వు
విరికాంతులను కురిపించేది పువ్వు 
మగువలకు ఇష్టసఖి గా పిలువబడే పువ్వు 
మధుమాస మధురాలకు మేలి సోయగం ఈ పువ్వు 
సహజాకృతి వన్నెల కిన్నెరసాని ఈ మల్లె పువ్వు 
కుసుమాల కమలాంకిత కన్నె పువ్వు ఈ మల్లె పువ్వు