హితమే సన్నిహితం
అంతా అంధకారమే కనిపిస్తుంది
అహం నీకు ఆవహిస్తే
ప్రశాంతంగా నీ ఆలోచనలు ఉంటే
సంతోషం సగం బలమై తోడుంటుంది
ఎత్తు పల్లాలు ,ఎండ మావులు
వస్తుంటాయి ,పోతుంటాయి
దూరంగా భారాన్ని చూసి భయపడితే ఎలా
అసాధ్యమంటూ ఏదీ లేదూ
నీ అంతరాత్మలోకి తొంగిచూసుకుంటూ ఉండు
సమాజం నిన్ను ప్రశ్నిస్తుంది అంటే
ఎక్కడో నీ గురించే ప్రస్తావన వస్తుంది అంటే
అక్కడే నీ శక్తి ఏమిటో ,యుక్తి ఏమిటో తెలుస్తుంది
విజయం నీ వైపే వేచియుంది.
పిడుగువచ్చినా ,సునామీ వచ్చినా
భయపడని మనిషి
సాటి మనిషితో మాట అనిపించుకోవాలంటే భయపడ్తాడు
కారణం తన ఆత్మ గౌరవం
సగర్వంగా బ్రతకమని సూచిస్తుంది
నిలదొక్కుకుని బ్రతికితే నిలకడ ఉంటుంది
అలికిడికి అదిరిపడితే అలజడి మొదలౌతుంది
నీ స్థాయి ,స్థానమంటూ మురిసిపోకు
మనమే స్థాయిలో ఉన్నా ,మన ప్రస్థానం మారకూడదు
నిందపడినంత మాత్రాన నిజం మాసిపోదు
అబద్దపు జీవితాలలో పొద్దు వాలిపోదు
ఆశగా మెరిసిపోవాలి ,నిరాశని నీడకీడ్చాలి
కుమిలిబోతూ కృంగిపోరాదు
కూసింత ఒత్తిడికే ఒంగిపోరాదు
ధైర్యంతో అడుగు ముందుకేసుకుంటూ సాగిపోవాలి
నిన్ను చూసి గొప్పగా మాట్లాడే రోజు రావాలి
నీ విలువ్లను నీకు నువ్వే కాలరాసుకోకు
ఎవ్వరి విలువనూ తగ్గించాలని ప్రయత్నించకు
కాలమే సమాధానమిస్తుంది కాలానుగుణంగా
నిన్ను సమాధాన పరుస్తుంది పదిలంగా
0 comments:
Post a Comment