కవిత నెం 248 ( ఒక చిన్న మాట)

కవిత నెం : 248

మాట మాట ఒక చిన్న మాట 
మనసుని హత్తుకున్న మాట 
మౌనంలోన దాగి ఉన్న మాట 
గొంతు గ్రంథిలో తిరుగుతున్న మాట 

గుప్పెడంత గుండెలో గుప్పుమన్న మాట 
సహస్ర భాషలో చెప్పదగ్గ మాట 
తుళ్లి తుళ్లి పడే తుంటరి మాట 
మళ్లీ మళ్లీ చెప్పాలనే మధురమైన మాట 

కలలోనైనా వెంటాడే కమ్మనైన మాట 
ప్రతి రోజూ వినాలనే పరిపూర్ణమైన మాట 
మల్లెలాంటి సొగసైన స్వచ్ఛమైన మాట 
తేనెలాంటి తియ్యనైన అమృతమైన మాట 

రేయిలో హాయినిచ్చే వెన్నెల మాట 
నీ నవ్వుని చూడగానే వికసించే మాట 
నాలోన ఇన్నాళ్లు నలుగుతున్న మాట 
ప్రతి పూట ఎదలోన తడుతున్న మాట 

ఒకే ఒక మాట పెదవి  పంచుకునే మాట 
ఒకే ఒక మాట మనవి చెయ్యాలన్న మాట 
మరి ఇంతకీ ఏ మాటో చెప్పగలవా నీ నోట నా మాట ?

- గరిమెళ్ళ గమనాలు // 14. 12. 2016//

Read More

కవిత నెం 247 :అంతర్యుద్ధం మనసుతో

కవిత  నెం  : 247

*** అంతర్యుద్ధం మనసుతో ******

ఏంటో పిచ్చి పిచ్చిగా ఉంది
కుదురుగా ఉండదు కదా ఈ మనసు
పైకి ప్రశాంతంగా ఉన్నా లోపల అలజడి
అన్నీ ఉన్నా ఎదో లోటును వెంట తీసుకువస్తుంది
ఉన్నట్టుండి కొత్తగా ఎదో చెయ్యమని తంతూఉంటుంది
నాకు నేను నచ్చుతూనే ఉంటాను కాని
నాపై నాకే తెలియని ఖచ్చి పుట్టిస్తుంది
మనసు భావాల దొంతరలు బుర్రను తొలిచేస్తున్నాయి
కలంతో సేద్యం చేసి అక్షరాల్ని రూపొందించమంటున్నాయి
మరి మంచిదేగా అనుకుంటారేమో అక్కడే ఉంది చిక్కు
ఒక ఆలోచనకి ఏదైనా విరామం ఉంటుంది , ఒక పద్దతి ఉంటుంది
పద్ధతీ - పాడు లేని ఆలోచనలు కవిత్వమా అంటే ఒప్పుకోవు
ఇరగబడి రాసేద్దామంటే కుదురుగా అవి కూకోవూ
ఏమిటి చెప్మా అంటే నా జుట్టు మొత్తం అక్షరాలుగా అలికిడి
ఎప్పుడూ లేని నాలో ఏ తలనొప్పి లేని ఈ తలపోటు ఏంటో !
హుషారుగానే ఉన్నా , ఆరోగ్యంగానే ఉన్నా అందులో తేడా లేదు
కోటి భావాల కేరింతలు ఒకటే సారి నాపై దాడి చేస్తున్నట్టుగా
అక్షరాలు కొట్లాడుకుంటూ నాలోనే కాపురం చేస్తున్నట్టుగా
ఇది దేనికి సంకేతం , దీనినే కపిత్వం అంటారో - ఆ భావం అనుకోమంటారో
ఎప్పుడూ రాస్తూ ఉన్నా కొత్తగా ఇప్పుడే రాస్తున్నట్లుగా
పుడుతున్నానా నాకు నేనే మళ్లీ ఒక కవిలా ........ కపిలా ........
అద్భుతంగా ఉంది నాకు ఈ వింత అనుభూతి
పంచుకోటానికి మనసు నాతో ఇంకోలా జతకూడి
మీకు సోదిలా ఉన్నా .... నాకు ఒక వ్యాధిలా ఉంది
కానీ కీడు చేసే వ్యాధి  కాదు అని గట్టిగా ఒక నమ్మకం
ఇప్పటికిప్పుడే కొన్ని పేజీలు రాసేయాలని ఉంది
సమయం చిన్నది , తొందరది కదా నాతో దాగుడుమూటలు ఆట మొదలెట్టింది
క్షణం .... ఒక క్షణం .... మరో క్షణం .... మరో మరో క్షణం వెరసి నా గమనం
నా కలంతో పోరాటమో .. అక్షరకూర్పు లో నా ఆరాటమో తెలియదు కాని
భలే భలేగుంది ... బాగుంది ఈ బాధ .... ఒక కార్యం క్రమం లోకి చేరువేళ
చూస్తూ ఉండిపోతాను ... నా మనసు చెప్పేది వింటూ పోతాను మరి
అది గమ్యం అవుతుందో ఈ కాలంతో చేరే మార్పులలో నా కలం గమనం అవుతుందో


// గరిమెళ్ళ గమనాలు // 09. 12. 2016//

Read More

కవిత నెం 246 :నువ్వే నా చిరుజల్లు

కవిత నెం : 246
* నువ్వే నా చిరుజల్లు *

నువ్వు పలికితే - నా గుండె జల్లు
నువ్వు నవ్వితే - ముత్యాల జల్లు
నువ్వుంటే చాలు - నాకు చిరుజల్లు
నీకోసమే ఉంది - ఆ హరివిల్లు

పాలమీగడ లాంటి - నీ చెక్కిళ్లు
నువ్వు తలుచుకుంటే - నాకు ఎక్కిళ్లు
నిన్ను చూడకుండా ఉండలేవు - నా కళ్లు
నీ రాక కోసం వేచాయి  - నా ఎద వాకిళ్లు

నీ హృదయం నాకు - ఒక పొదరిల్లు
నీ ప్రేమతో నిండింది - ఈ పాలవెల్లు
నీ కాలులోన గుచ్చుకుంటే - ఒక ముల్లు
నా మనసంతా వేదనతో - చెమ్మ గిల్లు

Read More

కవిత నెం 245 :నా మది అలా - నా మాట ఇలా

కవిత నెం : 245
*నా మది అలా - నా మాట ఇలా *

గుండె గోదారిలా
నువ్వు కావేరిలా
మనసు మయూరిలా
కదిలే భూగోళంలా

నీ నవ్వు కోయిలా
నీ నడక హంసలా
నువ్వు కోవెలలా
నేను జాబిలిలా

నువ్వు చిరుగాలిలా
నేను సెలయేరులా
నువ్వు తుళ్లింతలా
నేను కవ్వింతలా

చెరగని కలలా
కురిసే  వర్షంలా
విరిసే కుసుమంలా
మురిసే ముత్యంలా


వెన్నంటే నీడలా
నా చెలిమి నీడలా
నాకుండే తోడులా
నాకన్నీ నీవులా


మరువని గుర్తులా
విడువని సొత్తులా
నా ఎద సంపెంగలా
నా హిమ బింధువులా


కడలిలో అలలా
నువ్వు చెరువులా
గువ్వా గోరింక లా
మన జత కేరింతలా


తొలివలపులా
పసి తలపులా
చిరు గెలుపులా
గొప్ప మలుపులా


ఆ కొండ కోనలా
ఆ వాగు వంకలా
ఆ మావి చిగురులా
ప్రకృతి ప్రేమలా


నీకు నేను శ్వాషలా
నా కంటి భాషలా
ఒకరు ఒకరు రెండులా
నువ్వు నేనూ ప్రేమలా

- గరిమెళ్ళ గమనాలు // 05. 12. 2016

Read More

కవిత నెం 244 :నీలాంటోడు మరొకడు

కవిత నెం  : 244

*నీలాంటోడు మరొకడు *

సరదాగా చెప్పుకున్నా
గొప్పగా చెప్పుకున్నా
మనకు మనమే సాటి అని
మనలాంటి వాడు ఉండడని
మన వ్యక్తిత్వాన్ని
మన ఆత్మాభిమానాన్ని
మన అహంకారాన్ని
అన్నీ కలిపి ఒకటే తాటిపై నిలిపి
మనకు మనమే వాదించుకుంటాం
మనకు మనమే పొగుడుకుంటాం
నిజమైనా , అబద్దమైనా
మనకి  మనం మన తప్పుని త్వరగా ఒప్పుకోం
కానీ అన్ని వేళలా అది చెల్లదు మిత్రమా
ఎంతటి వాడైనా సరే ఎత్తు తగిలితే తలవంచాల్సిందే
అంతెందుకు పెళ్లి లో తాళి కట్టేటప్పుడు బెండుకావాల్సిందే
జీవితంలో మనతో మనం పోరాటంలో
ఎప్పుడో ఒకప్పుడు రాజీ పడాల్సిందే
నీ అంతవాడు లేడని అందరితో అనిపించుకున్నా
మనకంటే మరొకరితో మనం  పోటీ పడాల్సిందే
మనల్ని మనం అర్ధం చేసుకుని మలుచుకోవటం వేరు
ఎదుటివారిని లెక్క చెయ్యకుండా ఉండటం వేరు
ఈ క్రమంలో నీకు శత్రువులు పెరగవచ్చు
మరొక దారిలో మిత్రత్వం పెరగవచ్చు
మనం మన దారినే ఒప్పు అనుకుని
ఎదుటివారితో పనిలేదు అని భావించనూవచ్చు
ప్రతి ఒక్కరికి ఆటిట్యూడ్ (attitude) స్పెషల్ గా ఉంటుంది
కాకపోతే కొందరు వ్యక్తపరుచుకుంటారు
మరికొందరు వ్యక్తపరచకుండా చూపిస్తారు
సరైన పట్టుదలతో సాదించుకునేది కొందరు
వేగంగా ముందుకెళ్లి కాళ్లకు బంధం వేసుకునేది కొందరు
మనలాంటి వారు ప్రపంచంలో 7 గురు ఉంటారు అని వింటూంటాం
వారిని మనం చూస్తామో లేదో తెలియదు  కాని
మనం తాటిని తంతే మన తలదన్నే వాళ్ళు మాత్రం
మనలానే కాసుకొని కూర్చుంటారు అని మరువకండి
ఇది చెప్పటానికి వేదాంతం కాదు
చెప్పించుకోటానికి భాగవతం కాదు
మీరు , నేను మరెవ్వరైనా ఇలానే ఉంటాం
ఇది ఒక పరిశీలన మాత్రమే .....
ఎవ్వరినీ ఉద్దేశించి లిఖింపబడినది కాదు

-  గరిమెళ్ళ గమనాలు // 05. 12. 2016 //

Read More

కవిత నెం 243 :బురదలోకి రాయి

కవిత నెం : 243

బురదలోకి రాయి
నువ్వేస్తేనోయి
బురద చిందునోయీ
నీ కంటునోయి
గమ్మునుండవోయి
దుష్టులకు భాయి
జగడమాడకోయి
అది నీకు కీడు భాయి
అందరూ ఒకలా ఉండరోయి
ఈ నిజాన్ని తెలుసుకోవోయి
ఏనుగు గుంపు ముందు ఉండకోయి
ఎలక మాదిరిలా చితుకుతావోయి
నువ్వెంత వాడివైనా ఏమిటోయి
మొండివాడు ముందు నువ్వు పిండే భాయి
నీకు నువ్వు గొప్పేనోయి
మరి వాడి సంగతి నీకు తెలియదోయి
నిన్ను నమ్మించునోయి
నీతో మంచిగుండునోయ
వాడి అవసరం తీరాక నిన్ను ముంచునోయి
అనవసరమైన వాదాలు ఎందుకోయి
పోన్లే అని పక్కకి తప్పుకోవోయి
వాడి నోరు అసలే మంచిది కాదోయి
నీ మంచితనం మట్టి పాలే భాయి
గుర్రపు స్వారీ సంతోషమేనోయి
ఆంబోతుతో పందెం వద్దురోయి
తాటాకు చప్పుళ్లు వాడి బడాయి
దానికి పోటీ పడి చెయ్యకు లడాయి
ఓరోరి పిల్లకాయి
ఇన్ని సంగతులెందుకోయి
ఒక్కటంటే ఒక్కమాట చెబుతానోయి
చెడ్డవాళ్లకి దూరంగా ఉండవోయి 
వారి జోలికెళితే మనకే హాని భాయి 


- గరిమెళ్ళ గమనాలు // 03. 12. 2016

Read More

కవిత నెం 242 మన క్రియలే -మన ఖర్మలు

కవిత నెం  : 242
*మన క్రియలే -మన ఖర్మలు *
మనం ఏం చేస్తే అదే తిరిగి పొందుతాం
అంటే ''బంతి సిద్ధాంతం '' ఒక నిర్వచనం
 నువ్వు తిడితే తిరిగి తిడుతుంది ఈ లోకం
నువ్వు చెయ్యి లేపితే చితక్కొడుతుంది ఈ ప్రపంచం
అంటే హింస కు పాల్పడినప్పుడే నండోయ్
నువ్వు పొగిడితే తిరిగి పొగుడుతుంది
నువ్వు తింటేనే అందరూ తింటారు అని మాత్రం అనుకోకండి
నువ్వు మంచి చేస్తే నీకు మంచే కలుగుతుంది
నువ్వు చెడు ఒకరికి చేస్తే ఎదో రూపేణ నిన్నే తాకుతుంది
నువ్వు ప్రేమగా మాట్లాడితే ఆ ప్రేమ ఎదుటివారిలో కనపడుతుంది
నువ్వు కఠినంగా ప్రవర్తిస్తే లోకం ఘాటుగానే స్పందిస్తుంది
ఇది ఎవ్వరికీ తెలియనివి అని కొట్టి పారేయకండి
మనకి మనం ఆలోచన చేస్తే అర్ధమవుతుంది
ఎదో పాట ఉంది  కదూ నేను పుట్టాను లోకం ఏడ్చింది
అది చూసి ఇది తప్పు అని వాదించకండి
మనం చేసిన కర్మలే మనకు తగులుతాయి అని
పురాణాలు , పెద్దలు చెప్పకనే చెప్పారు
నిజమే నువ్వు ఏడిస్తే నవ్వే లోకం
నువ్వు నవ్వితే ఏడ్చే లోకం ఉంది
కాని నువ్వు చేసే పనులలో నీ ఫలితం ఉంటుంది
అపకారికి ఉపకారం చెయ్యమని ఉంది కదా
నేడు మంచి కి మంచే - చెడుకి చెడే
చెయ్యాలి నేటి ప్రపంచంలో .... వాస్తవం ఇది
నీకు తోచింది నువ్వు చేసుకుంటూ పోతావు
అదే నీవు చేసే వాటిలో ఒక మంచి ఎందుకు ఉండకూడదు
నీ దినచర్యలో నీతిని పాటించు అదే  నీకు ఖ్యాతి తెస్తుంది
నీకు మానవత్వం ఉందని మరువకు నిన్ను మనిషిలా చూపిస్తుంది
ఎవరికీ హాని చెయ్యాలని తలవకు నీకు ఎన్నడూ కీడు కాదు
ఒకరిపై పడి రోదించకు - నీకున్న దానిలో సంతృప్తి ని చూస్తావు
ఈర్ష్యా -ద్వేషాలు లేకుండా చూసుకో అందరికీ నచ్చుతావు
కులాలు - మతాలు అంటూ పోకు నీ వెంట నలుగురు ఉండేలా చూసుకో 
సహనం అవసరం - అసహనం తో ఊగిపోకు ఖచ్చితంగా గెలుస్తావు 
గెలుపు - ఓటమిలను పట్టించుకోకు నీ గమ్యం సక్రమమా కాదా చూడు 
నీవు చేసే క్రియలే నీకు భవిషత్తు నిర్దేశిస్తాయి 
నీవు పాటించే మంచి పద్ధతులే నిన్ను స్థిరంగా నిలబెడతాయి 
నువ్వు రాయి ఎలా విసిరితే అలానే వెళ్తుంది 
నువ్వు నడక ఎలా సాగిస్తే నీ నడత అలానే సాగుతుంది 
మనం రాసుకునే సిద్ధాంతాలే మనమూ పాటించాలి కదా !!!!

- గరిమెళ్ళ గమనాలు // 03. 12. 2016//

Read More

కవిత నెం 241 : బంధాలు అనుబంధాలు

కవిత నెం  : 241

బంధాలు అనుబంధాలు అంటే నాకిష్టం 
కొత్తవారినైనా త్వరగా అల్లుకోగలనేమో 
అల్లుకున్న బంధం మామిడి తోరణంలా 
 పచ్చగా  పది కాలాలు పాటు సాగాలని 
నా మనసుకు  ఉంటుంది ఆరాటం 
కానీ ప్రతీ బంధమూ మనది కాదు , మనదై పోదు 
స్నేహాలు కొన్ని , సంతోషాలు కొన్ని 
అవమానాలు కొన్ని , ఆశలకెరటాలు కొన్ని 
ఆత్మీయతలు కొన్ని , అంతరంగాలు కొన్ని 
అభిమానాలు కొన్ని , అంతమయ్యేవి కొన్ని 
అద్భుతాలు కొన్ని , అంతమయ్యేవి కొన్ని 
ఈ బంధాలలో రక్త సంబంధాలు కొన్ని 
ఏ సంబంధం లేకుండా పుట్టేవి కొన్ని 
ఆకర్షణకు గురి కావటం మానవ నైజం 
తేడా వస్తే ఘర్షణ జరిగి సంఘర్షణకు గురి కావటం 
సమాజం లో నిజంగా సంభవించటం అది సహజం 
కొన్ని పరిచయాలు శాశ్వతంగా 
పరిచయం ఉన్నవే మనకు దూరంగా 
దూరమైనవి దగ్గరగా , దగ్గరగా ఉన్నవి దూరంగా 
అంతులేని బంధాల సమూహకార్యాలాపన 
అందమైన మానవ సంభంధాల సమారాధన 
ఎంతోమంది మనచుట్టూ ఉన్నా
మనకంటూ చెప్పుకునే వారు ఎందరున్నా 
అయినవారు మన బంధం కోరుకోకపోయినా 
కానివారు మనస్సుకు  చేరువై బరువుగా మారినా 
గుండెల్ని పిండేసేలాగా బంధాలు మారినా 
తట్టుకోలేని జీవన విధానం మానవ చక్రం 
మనిషి ఎక్కడున్నా , ఏ మూలానున్నా 
తన చుట్టూ ఎదో ఒక బంధం పెనవేసుకునే ఉంటుంది 
బాధ్యతతో వాటికి బానిస కూడా మనిషి 
అస్సలు ఈ బంధాలు ఏమిటి అనిపిస్తుంటుంది ఒక్కొక్కసారి 
కానీ బంధమే లేనిదే మనిషి బ్రతకటం అసాధ్యమే 
అది ఈ సృష్టితో దాగియున్న ఒక బంధం 
అయినా వాళ్ళని లెక్క చెయ్యని బంధాలు కొన్నైతే 
కాని వారితో సంబంధాలు కలుపుకుని బ్రతికేవారు కొందరు 
ఎక్కువగా ఎవ్వరూ పరిచయం అవ్వకపోయినా 
మనవారు ఎవ్వరూ మనల్ని చూడకపోయినా 
పరవాలేదు కాని    ....... ....... 
మనకోసం వచ్చి , మనల్ని మెచ్చి ,
తరువాత వారికి వెగటు వచ్చి 
ఒంటరిగా చేసే వారు మాత్రం లేకుండా ఉంటే చాలు 
అలానే పిచ్చి పిచ్చి సంబంధాలు లేకుంటే చాలు 
సరదాగా , సంతోషంగా ఉన్నన్నాళ్లు తోడుంటే చాలు 


- గరిమెళ్ళ గమనాలు // 02. 12. 2016 //

Read More

కవిత నెం 240 :ప్రకృతితో ప్రేమ

కవిత నెం  : 240
*ప్రకృతితో ప్రేమ * పరవశించే నా  మనసు ప్రకృతిని చూడగా 
కలవరించే  నా మనసు నీ తోడు కోరగా 
ఇద్దరమూ కలిసి ఈ  క్షణములో మెండుగా 
హరితంలో ఆహ్లాదంగా ఆనందం పొందగా 
మన ప్రేమ గుర్తులు ఈ ప్రకృతిలో మొలకెత్తగా 
మన ప్రేమ పదికాలాల పాటు  
పచ్చదనంతో విరబుయ్యంగా 

- గరిమెళ్ళ గమనాలు // 30. 11. 2016//

Read More

కవిత నెం 239:అర్ధమయ్యి పోయే నీ ప్రేమ

కవిత నెం  :239
*అర్ధమయ్యి పోయే నీ ప్రేమ * నీకు నువ్వే పలకరిస్తావు 

నీకు నువ్వే పచ్చి అంటావు 

నాలోన అలజడి జ్వలింపచేస్తావు 

నీకు నువ్వే దహనమవుతావు 

నా చుట్టూ నువ్వు గీత గీస్తావు 

నన్ను చుట్టుకుంటూ నా దాని వంటావు 

నాకోసం వర్షమై కురుస్తూ ఉంటావు 

నాకు మాత్రం ఎండమావిని మిగులుస్తావు 

నీ హృదయంలో స్పందన నాదంటావు 

నన్ను మాత్రం శిల్పంలా ఉండమంటావు 

కనిపిస్తావు - వలపిస్తావు 

కోపిస్తావు - క్షమిస్తావు 

ప్రేమ నీవై  - ప్రేయసి నీవై - జీవితం నీవై 

ప్రపంచాన్ని నాకు పరిచయం చేసావు 

నా ప్రేమను త్రుంచి నీ లోకంలోకి జారుకున్నావు 

భరించమని సూచనిచ్చి భస్మాన్ని నాకు ఇచ్చావు 

ఎదురుచూస్తానో - ఎడారినవుతానో 

మరణమవుతానో - మరో జ్ఞాపకం అవుతానో 
నా  ప్రేమ ప్రపంచంలో - నా కలల రాజ్యం లో 

- గరిమెళ్ళ  గమనాలు // 29. 11. 2016//

Read More

కవిత నెం 238 :నాకున్న దిక్కు నీవే

కవిత నెం : 238
*నాకున్న దిక్కు నీవే *
నాకున్నది నువ్వే కదా  నా మనసుకి మనసుగా 
నాకున్నది నువ్వే కదా  నా ఉనికికి ఊపిరిగా 

నాకున్నది నువ్వే కదా నా భావాలకు రూపంగా 
నాకున్నది నువ్వే కదా నా కనులలో కాంతిగా 

నాకున్నది నువ్వే కదా నా స్నేహంలో హితంగా 
నాకున్నది నువ్వే కదా నా  ప్రేమకు ప్రేయసిగా 

నాకున్నది నువ్వే కదా నా స్వప్నాలకు సాక్ష్యంగా 
నాకున్నది నువ్వే కదా నా బాధకు ఓదార్పుగా 

నాకున్నది  నువ్వే కదా నా ఇజంలో నిజంగా 
నాకున్నది నువ్వే కదా నా హృదయంలో దేవతగా 

నాకున్నది నువ్వే కదా నా   గొంతులో మౌనంగా 
నాకున్నది నువ్వే కదా నా నిలువెత్తు ప్రాణంగా 

- గరిమెళ్ళ గమనాలు 

Read More

కవిత నెం 237: నీ ప్రేమకు సలాం

కవిత నెం : 237
* నీ ప్రేమకు  సలాం * నా మనసు మళయమారుతం లా మారింది 
నీ ముద్దు మాటల తడి నన్ను చేరగా 

నన్ను మార్చాలని ప్రయత్నించి 
నిన్ను నన్నుగా మార్చుకున్నావా నాకోసం 

నీ కలవరింత నాకోసం అని తెలియక 
నేను కలవరిస్తూనే ఉన్నా నీ జ్ఞాపకాల మాటున 

నీలో ప్రేమ పుట్టించగలనని అనుకోలేదు 
కొత్తగా పుట్టిన నీ ప్రేమ నన్ను ముగ్దుడని చేస్తుంది 

- గరిమెళ్ళ గమనాలు 

Read More

కవిత నెం 236:ప్రేమంటే నా మాట లో

కవిత నెం : 236

* ప్రేమంటే నా మాట లో *

ప్రేమంటే నిన్ను కోరుకోవటం  కాదు
ప్రేమంటే నీ మనసుని కోరుకోవటం

ప్రేమంటే నిన్ను వేధించటం కాదు
ప్రేమంటే నిన్ను ఆరాధించటం

ప్రేమంటే నిన్ను శాసించటం కాదు
ప్రేమంటే నీకోసం శ్వాస వదిలెయ్యటం

ప్రేమంటే నిన్ను బందించటం కాదు
ప్రేమనే బంధంలో జీవించటం

ప్రేమంటే నిన్ను ద్వేషించటం కాదు
నీ ప్రేమకై  కాలమంతా పరితపించటం

ప్రేమంటే స్నేహం కాదు
స్నేహం ప్రేమగా మారవచ్చు
ప్రేమించిన ప్రేమికుడు స్నేహితుడిగా ఉండలేదు
కానీ ప్రేమ దక్కిన ,లేకున్నా  భక్తుడుగానే ఉంటాడు

ప్రేమ కాలాన్ని నిర్బందించలేకపోవచ్చు
కాని నిజమైన ప్రేమ నిరీక్షణలో గెలుస్తుంది

ప్రేమంటే అర్ధమయ్యినట్టే ఉంటది
కాని దాని పరమార్ధం నువ్వెంత వెతికినా దొరకదు 

Read More

కవిత నెం 235 :నీతోనే ఉంటా నమ్మవా

కవిత నెం  :235 

* నీతోనే ఉంటా నమ్మవా * నా నిద్రతో నీవు నిదురిస్తున్నావా చెలీ
అందుకే నాకు నిద్రలేని ఈ రేయి

నా కనురెప్పపై కొలువున్నావా చెలీ
నా రెప్ప నా మాట వినటం లేదు 

నీ జ్ఞాపకాలలో నేను గుర్తొస్తున్నా అన్నావు 
నీ హృదయంలో జీవిస్తా ఆ మాట చాలు 

నీ కలత నాకు సంతోషం కాదు 
నువ్వు బాధ పడితే ఆ కలతకి కన్నీరు నేనవుతా 

Read More

మినీ కధ 1 :ఎలుకమ్మ ర్యాగింగ్

మినీ కధ 
** ఎలుకమ్మ ర్యాగింగ్ ***

మా ఇంటి అలమరలో ఉంది ఒక ఎలుక 
ఎప్పటి నుంచో వేసింది పాగ 
దొరకకుండా తిరుగుతుంటాది బాగా 
ఓ అల్లరి చేస్తుంది కిర్రు కిర్రు మనే లాగా 
పట్టుకుందామంటే చూపిస్తాది దాని తోక 
సబ్బులు ,బియ్యం ,కూరగాయలు ,బట్టలు 
ఏది కనపడితే వాటిని వదలదు ఈ ఎలుక 
ఒకసారి తలుపులు మూసి పెట్టాను పొగ 
మా ఇల్లు మొత్తం అది కమ్ముకోగా 
ఎలుక మాత్రం ఉంది నిబ్బరంగా 
మా కొంపకంటెను పొగ సెగ దట్టంగా 
దానితో నాకు ఒళ్ళు మండింది పూర్తిగా 
ఒక పొడవాటి కర్రతో దానిని వెంబడించగా 
ఎలుక చావలేదు , కర్ర విరగలేదు కాని 
మా ఇంట సామాన్లు ద్వంసమే అయ్యెనుగా 
నాలో సహనం నశించి చిరాకు పెరగంగా 
ఎలుక మందు ఒకటి కొని దానికి ఎర చూపంగా 
గ్రహించి అది ఆ బుట్టలో పడక సంబరపడెనుగా 
ఇంతలో దానిని పట్టి నేలకేసి కొట్టగా 
చావు దెబ్బ తిని అది పరుగున పోయెనుగా 
హమ్మయ్య అనుకుని నా మనసు స్థిమితం అయ్యెగా 

\\ గరిమెళ్ళ గమనాలు //21.11. 2016

Read More

కవిత నెం 234:నోటు నోటు నువ్వేం చేస్తావ్ అంటే !

కవిత నెం :234


నోటు నోటు 
నువ్వేం చేస్తావ్ అంటే !!!!!!!

నీకు చిల్లర దొరకకుండా తిప్పిస్తా 
నీతో ఉంటూ ,నీకే పనికి రాకుండా  ఉంటా 
పేదవానికి అందకుండా తిరుగుతా 
ధనవంతులకు 'దగ్గర బంధువు'' నవుతా 
బ్యాంకులను కొల్లగొడతా 
కమీషన్ దందాలకు తెరచుడతా 
లంచాల రుచి చూపెడతా 
లంచగొండిలను సృష్టిస్తా 
దొరికినంతవరకు దోచేయ్ మంటా 
తరతరాలకు ఆస్థిని కూడబెడతా 
కష్టపడి పని చెయ్యమంటా 
సోమరితనంతో నన్ను సంపాందించమంటా 
కుమ్ములాటకు దిగి కొట్టుకుచావమంతా 
మత కల్లోలం కు నవాబ్ నవుతా 
విద్వంసాలకు వెర్రి జెండా ఎగురవేస్తా 
నాకు నేనే ''హవాలా '' మారి దేశాలు తిరుగుతా 
నాకు అడ్డొస్తే దేన్నైనా కొంటా లేకపోతే లేపేస్తా 
నన్ను చూసి ఆశ పెంచుకోమంటా 
నన్ను చూసి నా వెంట రమ్మంటా 
స్నేహాల మధ్యన చిచ్చు నే బెట్టన్నా 
కన్నవారి కడుపు కొట్టి కంత్రీ నేనవ్వనా 
నమ్మకాన్ని చూపి మోసాన్ని నిలబెట్టనా 
నానా చంకలు నాకించి ఆకలినే చంపనా 
నల్లధనంలా మారి కుబేరుల గుండెల్లో నిద్రపోతా 
బడాబాబుల  చేతిలో కీలు బొమ్మనై సాగిపోతా 
ప్రభుత్వాలను పడగొడతా -రాజకీయాలను నిలబెడతా 
కబ్జాలు ,భూ దందాలు , బెట్టింగ్ లు చేస్తా 

అణు శక్తిని పుట్టిస్తా - అణు ధ్వంసంతో నాశనం చేస్తా 
మానవ హారం చేస్తా - మానవ బాంబు గా మారి కల్లోలం సృష్టిస్తా 

అందాలకు కారణం నేను - అనర్ధాలకు మూలం నేను 

నన్ను నాశనం చేసినా - తిరిగి నేనేగా పుట్టాలి 
నాతోనే ప్రణామం  - నాతోనే ప్రమాదం 

- గరిమెళ్ళ గమనాలు //19. 11. 2016 //

Read More

కవిత నెం 233 :చదువుల బరువులు

కవిత నెం  :233

*** చదువుల బరువులు ****

చిట్టి చిట్టి చేతులకి బారెడు బాధ్యతలు 

బుడి బుడి నడకలకి ఈడ్చలేని బ్యాగుల మోతలు 

ఏం నేర్పుతున్నాయి పాఠశాల చదువులు 

ఏం  చదవగలరు ఈ చిన్నారి బాలలు 

పొంతన లేని పాఠ్యంశాలు , చేరుకోలేని గమ్యాలు 

అందుకోలేని పోటీలు , చిన్నారులకు అవి శాపాలు 

మేమే గొప్ప అంటూ పాఠశాలల  ప్రచారాలు 

అర్ధంలేని మితిమీరిన ఉపాధ్యాయ బోధనలు 

వారి వేగాన్ని అందుకోలేక చిన్నారుల అవస్థలు 

నిస్సహాయ స్థితి లో చిక్కుకునే కన్నవారి హృదయాలు 

ఆట పాటలకు నోచుకోలేని పసితనపు పావురాలు 

అల్లరిని మరచి అయోమయంలో పడే అమాయకచూపులు 

యజమానుల వెకిలి చేతులకి బలయ్యే బాల భారతామణిలు 

చెప్పుకోడానికే ''బాలల దినోత్సవం '' గా పాఠశాలల ప్రదర్శనలు 

ఆలోచన చెయ్యండి ఓ అధ్యాపకులారా ,పాఠశాలల సంస్థాపకులారా 

మనకోసం , మన తరాల వారికోసం కాదు  ఈ విద్యా సంపదలు 

శాశ్వతంగా  ,సుస్థిరంగా దేశ భవితను మార్చేదే ఈ నేటి బాలలు 

వారి అవసరాలనెరిగి , జీవిత మార్గాలకు పునాదులు కండి 

ఇదే ఇదే ఇదే  మా హృదయ సంకల్పం 

ఇదే ఇదే మీరిచ్చే మరో ''విజ్ఞ్ఞాన బాలల వికాస కేంద్రం ''

- గరిమెళ్ళ గమనాలు 

Read More

కవిత నెం 232 :కన్నీటి చుక్క

కవిత నెం  :232

***** కన్నీటి చుక్క *****

ఆకాశంలో పొడుస్తుంది వెలిగే చుక్క 

మన అంతరాళంలో  ప్రవహిస్తుంది ఈ కన్నీటి చుక్క 

వెక్కి వెక్కి ఏడుస్తాము మనసుకి కష్టమనిపిస్తే  

దుఃఖి దుఃఖి రోధిస్తాము ఎవరైనా దూరమయితే 

బాధలో అయినా ,ఆనందంలో అయినా మన స్పందన ఒకటే 

ఆ స్పందనలో స్పర్శ లా చేరి పంచుకునే చెలిమే ఈ కన్నీటి చుక్క 

వెచ్చగా  చెక్కిలిని ముద్దాడి నువ్వు ఒంటరి కాదు అని గుర్తుచేస్తుంది 
మానవత్వాన్ని చూపే మనసు ఉందని మనకు తెలియచేస్తుంది 

ఉప్పొంగే హృదయం ఉందని వేదనతో అది చెబుతుంది 
భరించే బాధలో  ఓర్పు దాగుందని నేర్పుగా చూపుతుంది 

మౌనం వహించు వేళ కోఠి  ప్రశ్నలకైనా జవాబులా నిలుస్తుంది 
పశ్చాత్తాపం చెందిన వేళ చేసిన తప్పును   సర్దుబాటు చేస్తుంది 

చెదిరిన బ్రతుకులలో శిధిలమై  బావురుమంటుంది 
మండే గుండెలో అగ్ని సెకలమై ప్రతీకారమై విజృభిస్తుంది 

ప్రణయంలో జారిన కన్నీటి చుక్క వేయి భావాలను పలికిస్తుంది 
ఎదురుచూపులో ఒదిగిన కన్నీటి చుక్క హిమబిందువులా వికసిస్తుంది 

తల్లడిల్లే తల్లి మనస్సులో అనురాగంతో నిండి  అజరామరమవుతుంది 
చినుకులా పుట్టి ,సంద్రమై మారి అమృతాన్ని మనకు అందిస్తుంది 

కరిగిన కన్నీటి వ్యధలో నిజమెంతో దాగుంటుంది 
నలిగిన బాధలో  సరికొత్త ఆలోచన లా  పుడుతుంది 

కనుకొనల లోని  కన్నీటి చుక్క ఎద లోగిలిలో హత్తుకునిఉంటుంది 
మనసు కోటలో సుగంధం  చేరి తులసీ తీర్ధమై ఊపిరినిస్తుంది

Read More

కవిత నెం 231:ఆర్టీసీ బస్సు

కవిత నెం :231

* ఆర్టీసీ బస్సు *

ఆర్టీసీ బస్సు ఓ ఆర్టీసీ బస్సు
మీది మీదికొస్తావు ఆర్టీసీ బస్సు
ఆర్టీసీ బస్సు ఓ ఆర్టీసీ బస్సు
రోడ్డు మొత్తం తిరుగుతావు ఆర్టీసీ బస్సు
ఎందుకలా చేస్తావు ఆర్టీసీ బస్సు
ఎగిరెగిరి పోతావు ఆర్టీసీ బస్సు
ఏమంతా దర్జా నీది ఆర్టీసీ బస్సు
వెనక ముందు చూడవు ఆర్టీసీ బస్సు


పేరుకేమో నువ్వు  ఆర్టీసి బస్సు
నియమాలు పాటించవు ఆర్టీసీ బస్సు
నీకోసం ఉంటుంది చక్కటి దారి
నీకోసమే వేచింది బస్ షెల్టరు మరి
ఆగమంటే ఆగవు ఆపించే చోట
అడ్డంగా పోతావు రోడ్డు జామున్న చోట

ఎందుకలా చేస్తావు ఆర్టీసీ బస్సు
నీ ముందు వాహనాలే తుస్సు తుస్సు
ఏమంతా దానివే ఆర్టీసీ బస్సు
నీకెవరైనా ఎదురైతే కస్సు బస్సు

వద్దంటావు ప్రెవేటు ప్రయాణం
భద్రతంటావు ఆర్టీసీ ప్రయాణం
నీ ధరలేమో మా నెత్తిన భారం
పండగలు ,పబ్బాలకు నీతో వెళ్లలేం
ఏమంతా వసతులు ,పేరుకే చెప్తరు
తీరా ఎక్కినాక సర్దుకోమంటరు

మరి ఏమంటావు ఆర్టీసీ బస్సు
పై పై కే  నీ మెరుగులు ఆర్టీసీ బస్సు
ఏం చేస్తాము మరి ఆర్టీసీ బస్సు
నీకు టాటానే చెప్పాలి ఆర్టీసీ బస్సు

Read More

కవిత నెం 230 :కన్నీరు

కవిత నెం : 230

''కన్నీరు ''

కంటి నుండి వచ్చును 'కన్నీరు' 
మనసు చెమ్మగిల్లితే ఆ భాదే నీరు 

ఉప్పొంగే దుః ఖమే 'కన్నీరు '
ఉప్పెనగా మారితే అది ఏమవును ,ఏమవును ?

ఆడువారిలో  ఇది అగ్రస్థానము 
ప్రతి సున్నితమైన మనస్సులో ఇది సుకుమారము 

సంతోషమైనా ,ప్రేమైనా చలించిపోవును 
మన రెండు కళ్లనూ తడిమి తడిమి తోడువచ్చును 

గుండెలోన భాదకు ఓదార్పు 'కన్నీరు' 
ఆత్మీయంగా హత్తుకునే స్పర్శ  'కన్నీరు'

భారాన్ని కరిగించే ఆయుధం 'కన్నీరు'
 బాధలను చెరిపి మనసుని తేలిక చేసే  'కన్నీరు '

 పొరపాటుని దిద్దే బెత్తం ఈ 'కన్నీరు '
బంధాల్ని నిలిపే జలధార ఈ 'కన్నీరు '

- 08. 10. 16 //గరిమెళ్ళ గమనాలు //

Read More

కవిత నెం 229 :ఎందుకే చెలీ!

కవిత నెం :229

ఎందుకే చెలీ
ఏమిటే హృదీ
చేస్తుంది  అలజడీ

ఉండదా మదీ
నా జత కూడి
తెలియని తొందరేదో పడి

ఆగలేని ఆవేశమూ
అర్ధమవ్వని ఆక్రోశమూ
నీలో నువ్వే ఏకము 
మనకు మిగిలే ఏకాంతము 

జీవితము భారము 
చిదిలిన బంధము 
చేరువైన దూరము 
చిన్ని ఆశ మాయము 

ఎందుకీ పంతము 
ఏది నీ సొంతము 
తెలియని పైత్యము 
తగులు మిగులు అంతము 

- 08. 10. 16 //గరిమెళ్ళ గమనాలు //

Read More

కవిత నెం 228:ప్రేమను ఆపగలిగేది ఏది ?

కవిత నెం  :228
*ప్రేమను ఆపగలిగేది ఏది ?*
ఉదయించిన కిరణం  
అస్తమానికి  చేరుకుంటుంది 
పుష్పించిన కుసుమం
వాలిపోయి ,వాడిపోవటానికి సిద్ధంగా ఉంది 

నింగిలోని జాబిలి కోసం వేచి వేచి 
కళ్లకు కళేభరం కాపు పట్టుకుంది 
నిండుగా కనపడే ఉద్యానవనం 
ఎండుగా ,ఎడారిగా మారిపోతుంది 

నాలో  సహనం అసహనమై ఆవహించింది 
నీపై ప్రేమ చిగురుని మాని నిర్వీర్యమై నేలకొరిగింది 

నాలో ఇష్టం ,నీరసించి కృషించిపోయింది 
నీ ప్రేమకు అంతం పలుకుతూ ,పంతంగా బ్రతకలేనంది 

- 08. 10. 2016 // గరిమెళ్ళ గమనాలు //

Read More

కవిత నెం 227 :మన హైదరాబాద్ (కవితా రూపంలో )

కవిత నెం : 227
''మన హైదరాబాద్ ''
(కవితా రూపంలో )

తెలంగాణా రాజధాని మన హైదరాబాద్ 
తెలుగు  ప్రజల గుండె చప్పుడు మన హైదరాబాద్ 
నవాబుల నాటి చరిత్ర ఉన్న ఈ హైదరాబాద్ 
ప్రపంచమంతా పేరుగాంచెను మన హైదరాబాద్ 
ఇది భాగ్యనగరం .... ఇది విశ్వ నగరం 
భారతదేశంలోనే 5వ అతి పెద్ద మహా నగరం

ఇచ్చట కుల ,మతాలకు తావు లేదు 
సర్వ భాషల గ్రంధాలయం మన హైదరాబాద్ 
ప్రతీ రంగమూ ఇక్కడ నుండే ఆరంభము 
రాజకీయాలకు పుట్టిన నిలయం భాగ్య నగరం 
సంసృతి ,సమైక్యతల సుస్థిర వారసత్వము 
సుందరమైన కట్టడాలలో ఇది సంపన్న నగరము 

హైదరాబాద్ నడిబొడ్డున ఉన్నది 'హుస్సేన్ సాగర్ '
పిల్ల ,పెద్దలకు ఆహ్లాదమైన సరస్సు ఈ 'హుస్సేన్ సాగర్'
స్వాగతమంటూ పలకరించే ఏకశిలా 'బుద్ధ  విగ్రహం '
చరిత్రను రాసిన  నాయకులతో మలచిన 'టాంక్ బండ '
జంట నగరాలను విడదీసేదొకటి 'హుస్సేన్ సాగర్ '
ఆ జంటనగరాలను కలుపుకుపోయేదొకటి 'టాంక్ బండ '

అందమైన ఉద్యానవనాలు 'లుంబినీ పార్క్ ' 'ఎన్టీఆర్ గార్డెన్స్ '
ప్రజల కోసం నిర్మితమైన ప్రజాఉద్యానవనం 'పబ్లిక్ గార్డెన్స్ '
సాంస్కృతిక కళా భవనము 'రవీంద్ర భారతి '
పాలరాతితో సంపూర్ణంగా వేంకటేశుని 'బిర్లా మందిరం '
ప్రాచీన భారతదేశ కళలకు నిలయం 'శిల్పా రామం '

పాత బస్తీలో ప్రాచీన కట్టడం మన 'చార్మినార్ '
ప్రపంచ ప్రసిద్ధి చెందిన చిహ్నం మన 'ఛార్మినార్ '
గాజులకు ప్రత్యేకమైన ప్రాంతం 'లాడ్ బజార్ '
మక్కా నుంచి ఇటుకలతో నిర్మితమైన 'మక్కా మసీద్ '

గొల్ల కొండ నుంచి పుట్టిన కోట 'గోల్కొండ కోట '
రామదాసు బందీగా ఉంచిన చోట 'గోల్కొండ కోట '
వజ్రాల గనిగా పేరొందిన కోట 'గోల్కొండ కోట '
కళాత్మక వస్తువుల బాండాగారం ''సాలార్ జంగ్ మ్యూజియం '
భారతదేశంలోనే 3వ అతిపెద్ద సంగ్రహాలయం  'సాలార్ జంగ్ మ్యూజియం '

ప్రపంచంలోనే అతి పెద్ద చలన చిత్ర నిర్మాణ కేంద్రం 'రామోజీ ఫిలిం సిటీ '
గొప్ప పర్యాటక ప్రదేశం గా పేరు గాంచింది 'రామోజీ ఫిలిం సిటీ '
అనేక సాఫ్ట్ వేరు సంస్థల సముదాయం 'హైటెక్ సిటీ '
ఐటీ రంగంలో అభివృద్ధి సాధించిన 'హైటెక్ సిటీ '
ఎన్నో సాఫ్ట్ వేర్ సంస్థలకు నిలయం ఈ 'భాగ్య  నగరం '


వీసాల స్వామిగా వరాలనిచ్చే 'చిలుకూరి బాలాజీ' 
తెలంగాణ తిరుమల కొండ నృసింహ స్వామీ 'యాదాద్రి '
భక్తుల కోర్కెలు తీర్చే దేవి జూబ్లి హిల్స్ 'పెద్దమ్మ తల్లి '
భక్తుల పాలిట కొంగు బంగారం ' ఎల్లమ్మ తల్లి '
తెలంగాణ లో ప్రధాన దైవంగా పిలిచే 'అష్ట లక్ష్మీ దేవాలయం '
కృష్ణ తత్వాన్ని బోధించే అంతర్జాతీయ 'ఇస్కాన్ దేవాలయం '


ప్రతీ యేటా ప్రత్యేకంగా దర్శనమిచ్చే 'ఖైరతాబాద్ వినాయకుడు '
 వినాయక చవితి ఉత్సవాల్లో ఆల్ టైం రికార్డ్ మన 'బాలాపూర్ లడ్డు '

విద్యార్థులకు , ఉపాధి కొరకు మూల వృక్షం 'మైత్రీ వనం '
సినీ కళా కారులకు చేయూత  హస్తం 'కృష్ణా నగర్ '

భారతదేశంలో అతి పురాతన విశ్వవిద్యాలయం 'ఉస్మానియా '
తెలంగాణ ప్రాంతంలోనే అతి పెద్ద విశ్వవిద్యాలయం 'ఉస్మానియా '
ప్రత్యేక తెలంగాణ ఉద్యమం పుట్టిన చోటు 'ఉస్మానియా విశ్వవిద్యాలయం '
ప్రముఖ సాంకేతిక విశ్వవిద్యాలయం 'జె ఎన్ టి యు'
హైదరాబాద్ కే ఖ్యాతి  తెచ్చిన విద్యాలయాలు 
'ఇండియన్ స్కూల్ ఆఫ్ బిజినెస్' మరియు 'బిట్స్ ఫిలానీ 'లు 

'శంషా బాద్' రాజీవ్ గాంధీ  అంతర్జాతీయ విమానాశ్రయం  
ఇది 5వ స్థానం లో నిలిచెను ప్రపంచంలోనే 
మూడు రైల్వే స్టేషన్లు కలిగింది మన భాగ్యనగరం 
ఎం. ఎం .టి .స్ లతో గమ్యం త్వరగా చేరగలం 
మెట్రో రైలు నిర్మాణం ఆధునీకరణకు అద్దం 

దూరాన్ని తగ్గించే ఫ్లై ఓవర్లు 
సుఖ ప్రయాణం కొరకు ఔటర్ రింగ్ రోడ్లు 
72 ఫ్లాట్ ఫారం లతో అతి పెద్ద 'మహాత్మా గాంధీ' బస్ స్టేషను 

తింటే వదిలి పెట్టరు మా 'ప్యారడైస్ బిర్యాని '
మీ మనసుని హాయి నిచ్చే 'ఇరాని చాయ్ '
సాయంత్రం అయితే రద్దీగా మారే 'గోకుల్ చాట్ '
మొగలు రుచులతో ఎన్నో తెలంగాణా వంటలు 
'హలీం ' వంటకంతో ఇచ్చే 'ఇఫ్తార్ విందులు' 
అమ్మ లెక్కలు అంతా కలిసి చేసే 'బతుకమ్మ సంబురాలు' 
గుడ్ మార్నింగ్ అంటూ పలకరించే 'రేడియో సీటీ '
ప్రశాంతంగా కనిపించే మన అసెంబ్లీ 'గాంధీ విగ్రహం '
చూపరులను ఆకట్టుకునే 'కరాచీ బిస్కెట్స్ '

అంతా ఇంతా చూస్తే మన హైదరాబాద్ 
ఎంతో ఖ్యాతికి మారుపేరు మన హైదరాబాద్ 
400 వత్సరముల  మన భాగ్యనగరం 
అందమైన అపురూపమైన కళా ఖండం 'హైదరాబాద్ '

- 10. 10. 16 // గరిమెళ్ళ గమనాలు //

Read More

కవిత నెం 226:దసరా సంబరం

కవిత నెం :226

దసరా సంబరం 

దసరా వచ్చిందండోయ్ - సరదా తెచ్చిందండోయ్ 

''విజయ దశమి '' అను ఒక పేరుగా 

''దుర్గా నవమి ''అను  మరొక పేరుగా 

సకల  జనుల సౌభాగ్యం చూసే   ఆ తల్లి 

కదిలివస్తుంది మన అందరికోసం కనకదుర్గగా 

కలకత్తా నగరంలో విశిష్టంగా కొలువబడే కాళీమాత గా 
తెలంగాణ ప్రాంతంలో '' బతుకమ్మ'' గా 
తమిళనాడులో ''కామాక్షి'' గా 
కర్ణాటకలో శ్రీ చాముండేశ్వరిగా  ......... 


దేశ వ్యాప్తంగా ఆరంభమయ్యే దేవీ  నవరాత్రులు 
ప్రజలంతా సంతోషంగా చేసుకొనే శరన్నవరాత్రులు 
తొమ్మిది రోజులు పూజలందుకోగా దిగివచ్చెను దుర్గామాతగా 

ఆపదలనుంచి రక్షించే ఆదిపరాశక్తి గా 
దుష్టశిక్షణ గావించే మహిషాసురమర్దిని గా 
అమ్మలగన్న అమ్మ .... ముల్లోకాలకు మూలశక్తిగా 
ఒక్కో రోజు ఒక్కో అలంకరణతో ఆ దేవియే ప్రత్యక్షంగా 

హిందూ సంప్రదాయాలలో ఆనవాయితీగా ఈ పండుగ 
విశిష్టంగా ,వైభోగంగా ఊరూ -వాడలా జరిగెగా 
 బొమ్మల కొలువులు , శమీవృక్ష పూజలు ప్రముఖంగా 
ఆటలు -పాటలతో భక్తుల హృదయాలు హృదయాలు సంబరంగా 
వివిధ దేవుళ్ల రూపాలలో పగటివేషాలు సాగంగా 

పాఠశాలలకు వచ్చెను దసరాసెలవలు 
ఆట పాటలతో  చిన్నారుల కేరింతలు 
ఇంటింటా కొనసాగెను దసరా మామూళ్లు 
ప్రతి ముంగిళ్లలో మురిసెను ముత్తైదువుల పేరంటాళ్లు 
బాణసంచలతో చేసే రావణ బొమ్మల వధలు 
ఊరు ఊరా హోరా హోరీగా సాగే దసరా ఉత్సవాలు 

అంబపరమేశ్వరి అఖిలాండేశ్వరి ఆదిపరాశక్తి గౌరీ .... 
ఎంతెంత కీర్తించినా మది ఆనందభరితమే 
మధురాతి మధురమే ఆ దేవి గానామృతం 
కుంకుమపూజ ఆ దేవికి ప్రధానం 
పుణ్య దంపతులకు ఆ దుర్గమ్మ కటాక్షం 

జయహో దుర్గా భవాని 
పాహిమాం శ్రీ భవాని 
జయజయహే మహిసాషురమర్దిని 
ఆదిలక్ష్మి మృదు పాలయమాం  !

Read More

కవిత నెం 225: ఓ అభిమాని ఆలోచించు

కవిత నెం : 225

శీర్షిక పేరు : ఓ అభిమాని ఆలోచించు 

నువ్వు పుట్టింది నీకోసం 
నీ జీవితం నీ కోసం , నీ కుటుంబం కోసం 
నువ్వు పుట్టాకే తెలిసిద్ధి కదా !
నీ హీరో ఎవరో ? నీ అభిమానం  ఏమిటో ?
నువ్వు అభిమానించావని ఏ హీరో దిగొస్తాడు 
నువ్వు ఇష్టపడుతున్నావని ఏ హీరో గ్రహిస్తాడు 
అభిమానం ఉండాలి కాని దానికి బానిస కాకూడదు 
అభిమానం చూపించాలి కాని హద్దు దాటకూడదు 
వెయ్ ,చిందెయ్ నీ హీరో అంటే
చెయ్ ,పండుగ చెయ్ నీ హీరో సినిమా వస్తే
కాని అవి వెర్రిలా మారి వింత కాకూడదు
అదే అభిమానం మరొకరికి వెగటు కాకూడదు
హీరో ఎప్పటికీ హీరోనే అభిమానింపబడతాడు
అభిమాని ఎంత ఆశపడినా క్యూలోనే నిలబడతాడు
హీరోలకి ఈర్ష్యా ,ద్వేషాలుండవు మరి మీకెందుకు ?
వారిలో వారికి వైరం ఉండదు మరి మీశత్రువర్గాలేమిటి ?
సరదాగా చెప్పుకోండి గొప్పలు  - మీ సంతృప్తికి
సంతోషంగా పంచుకోండి - మీ అభిమానాన్ని
పాలు పోసి ,జంతు బలులు ఇచ్చి మీ హీరో స్థాయి దించకండి
అటువంటివి వారికి కూడా నచ్చవు -కుదిరితే మంచిపని చెయ్యండి
కలిసి పండుగ చేసుకోండి - హీరోల పేరు చెప్పి కొట్టుకోకండి
వైషమ్యాలకు పోయి మీ కన్నవారి గుండెల్లో
విషాధాలను మిగల్చకండి ........

ఆలోచించండి అభిమానులారా !

Read More

కవిత నెం 224 :విజయవాడ లో -కృష్ణా పుష్కరం

కవిత నెం 224

* విజయవాడ లో -కృష్ణా పుష్కరం  * 

ఇప్పుడిప్పుడే  రూపుదిద్దుకొంటున్న   అమరావతిలో
అందంగా ఆడుకుంటుంది కృష్ణమ్మ 
ప్రతీ 12 సం //ల తర్వాత తన వద్దకు వచ్చే పుష్కరునితో 
తండోపతండాలుగా వచ్చిన జన సంద్రాన్ని చూసి 
పులకిస్తూ ,పలకరిస్తూ ప్రవహించ సాగింది మన కృష్ణమ్మ 

చుట్టపు చూపుగా వచ్చి మన గంగమ్మ కూడా జత కలవడంతో 
బిర బిరా మంటూ ,కిల కిల రావాలు చేస్తూ పరవశించింది కృష్ణమ్మ  
వడి వడిగా పరిగెత్తుతూ , తన హొయలతో ఆకర్షిస్తుంది కృష్ణమ్మ 
వచ్చిన అవకాశాన్ని  సద్విని యోగం చేసుకోమంది కృష్ణమ్మ  

నగరమంతా మిల మిలా మెరిసిపోయింది 
వీధి వీధుల్లో పుష్కరాల జాతర సాగింది 
ఎటు చూసినా కొత్తదనం ,పాత రూపుల్ని మాపుతూ 
ఎటు చూసినా సందడి , మన కృష్ణమ్మ తీరం వెంబడి 

ఈ 12 రోజులూ ఒక  పెద్ద పండుగ వాతావరణం 
ప్రతి ఇంట కనుల పంట చేసింది ఈ సంబరం 
ఆట పాటలతో ,కేరింతలతో మన కృష్ణమ్మ ఒడి 
దివ్యకాంతులతో ,దేదీప్యంగా మన కనకదుర్గమ్మ గుడి 

ప్రత్యేకంగా అలంకరించ బడిన మన  'ప్రకాశం బ్యారేజి '
ఫెర్రీ-పవిత్ర సంగమం వద్ద ఏర్పాటు చేసిన 'పుష్కర   హారతి' 
దుర్గ గుడి ,తిరుపతి గుడి నమూనాలు దిగి వచ్చిన తరుణం 
వేయి కళ్లు చాలవు కదా , వాటిని వీక్షించగా మన జన్మ పావనం 
నిగ నిగ లాడే రహదారులు - స్వాగతమంటున్న పుష్కరఘాట్లు 

వర్ణించటానికి కూడా  మాటలు చాలవు విజయవాడను చూసి 
వాడ వాడాలా ,వాలంటీర్స్ యొక్క ఆతిధ్యం తో మురిసి 

నిర్విరామంగా సాగిన మన ప్రభుత్వపు సహకారాలు 
అవి మన  చంద్రబాబు చేసిన గొప్ప  మార్గ దర్శికలు

ప్రతీ  ఒక్కరు కదిలొచ్చి -అందించిన  సహాయాలు 
ప్రజల గుండెల్లో చిరస్థాయిగా నిలిచిపోయే కృష్ణా పుష్కరాలు 
తరతరాలకు ,వీడిపోని కృష్ణమ్మతో మన సంబంధాలు 

హారతి వైభవం - నిత్యా శోభాయమానం మన కృష్ణమ్మ కు 
సకల పాప  హరణం - మన కృష్ణా  పుష్కర స్నానం స్నానం 
పరమ పవిత్రం - పావనం - జనపునీతం -కృష్ణా పుష్కరం 

Read More

కవిత నెం 223: హాయ్ బంగారం

కవిత నెం :223

హాయ్ బంగారం

నీకు నేను గుర్తొస్తున్నానా ?

కాని నాకు మాత్రం నువ్వు గుర్తొస్తూనే ఉంటావు

అనుక్షణం ......... అనునిత్యం ....... నీ జ్ఞాపకాలే
కలలో ...... ఇలలో ...... నీ ఊహలే

ఒంటరితనం అలవాటు పడటం లేదు
నీ తోడు నాకు పరిచయం అయ్యాకా

ఒక్కడిగా మనసుకి సర్ది చెప్పలేకపోతున్నాను
ఇద్దరుగా కలిసి ఒక్కటి అయ్యాకా

నీకు నా ఆలోచన ఉంటుందో లేదో తెలియదు
కాని నా ధ్యాసెప్పుడూ నీకై తపిస్తూ ఉంటది

ఎలా ఉన్నావు ? ఏమి చేస్తున్నావు అనే ప్రశ్నలు
నా నీడలా వెంటాడుతూ నిన్ను గుర్తు చేస్తూ ఉంటాయి

గాలి గుర్తుచేస్తుంది గాల్లో తేలిన సంఘటనలని
వాన చినుకు గుర్తుచేస్తుంది వర్షంలో హర్షించిన సమయాన్ని

సంతోషం గుర్తుచేస్తుంది నీతో ఉన్న మధురక్షణాలని
భాద గుర్తుచేస్తుంది నీవు లేని ఏకాంత ప్రణయాన్ని

ఏ చోటైనా ,ఏ బాటైనా నీ జతలేక నన్ను తాట తీసేస్తున్నాయి

జాబిలి లేని నీలాకాశాన్ని
సూర్యుడు రాని చీకటి ప్రపంచాన్ని
నేనెప్పుడూ ఊహించుకోలేదు

నా ప్రపంచం నువ్వే ...... నా నీలాకాశం నువ్వే
నీకై నిరీక్షించే ఆ నీలిమేఘం నేనే

Read More

కవిత నెం 222 :తప్పు

కవిత నెం :222

*తప్పు*

తప్పు  చేయకున్నా తప్పేనని ఒప్పించనేల
తప్పు చేసి తప్పించుకొనెడివాడి తల తీయకుండనేల
తప్పులలో కొన్ని ఒప్పులున్నా తప్పే అనెడి వాదమునేల
తప్పిదము చేసినచో ఒప్పుకునే సాహసము ఎవ్వరికుండ గలదు
ఈ ప్రపంచంలో జీవించెడివాడులో ......... ఓ సీతారామ !

Read More

కవిత నెం 221:నా ప్రేమాక్షరాలు

కవిత నెం :221
*నా ప్రేమాక్షరాలు * నీ మందారవింద సుందరమోము చూసి 
నాలోన తేజము ఉత్సాహముగా ఉద్భవించే 

నీ నోటి  ముత్యపు పలుకులను శ్రవించగా 
నాలోని మౌనము స్వరగంధులను  చీల్చుకువచ్చే 

నీ నయనములలోని పొంగివచ్చే ప్రేమ చూసి 
నా హృదయము తన్మయత్వం తో పులకరించే 

నీవు నా కనులముందు పుత్తడిబొమ్మలా కదులుతుంటే 
నేను అగరబత్తిలా నీ చుట్టూ  వ్యాపించి యుండిపోనా 

నీ స్పర్శ నా నుదుటిని తాకిన వెంటనే 

నాలోని పైత్యము నన్ను వీడి , మనోల్లాసము కలిగించెగా

నీ ఆగమనం కోసం   ఎదురుచూస్తూ 

నా పాదాలు నా చుట్టూనే  తిరుగుతూ 

నా కలము మన ప్రణయాన్ని గుర్తుచేస్తూ 

ఈ ప్రేమాక్షరాలకు పునాదినిస్తూ 

స్వాగతిస్తుంది నీ రాకకై 

పరవశిస్తుంది నీ ప్రేమకై 

//గరిమెళ్ళ గమనాలు //

Read More

కవిత నెం 220 :హాయ్ చెప్పాలని ఉంది

కవిత నెం : 220

హాయ్ చెప్పాలని ఉంది 
నన్ను  పిలిచే సూర్యునికే 
హాయ్ చెప్పాలని ఉంది 
నిద్ర లేపే ''మార్నింగ్ ''కే 
హాయ్ చెప్పాలని ఉంది 
నన్నంటి ఉండే ''షాడో ''కే 
హాయ్ చెప్పాలని ఉంది 
కనిపించే ''ప్రకృతి  '' కే 
హాయ్ చెప్పాలని ఉంది 


చిన్ననాటి మిత్రులు కనపడితే 
చిన్ని సంతోషం ఎగపడితే 
తీయని జ్ఞాపకం తిరిగొస్తే 
ఆగని మేఘం దిగి వస్తే 

హాయ్ చెప్పాలని ఉంది 
అద్బుతమే అలరిస్తే 
హాయ్ చెప్పాలని ఉంది 
అనుభవమే పులకిస్తే 

చీకటి తెరలు విడిపోతే 
వెలుతురుగా అవి మారిపోతే 
కష్టమనేది కరుణిస్తే 
ఇష్టపడ్డది ఎదురొస్తే 

హాయ్ చెప్పాలని ఉంది 
వెళ్ళిన వయసు తిరిగొస్తే 
హాయ్ చెప్పాలని ఉంది 
తుళ్ళిన మనసు తొంగిచూస్తే 

భాద లేని రోజుఉంటే 
బంధాలు అన్నీ  స్థిరమయితే 
మంచి మాత్రమే వికసిస్తే 
ఏ ద్వేషమూ దరిచేరకుంటే 

హాయ్ చెప్పాలని ఉంది 
మనమంతా మనుషులైతే 
హాయ్ చెప్పాలని ఉంది 
ప్రపంచమే వసంతమైతే 

Read More

కవిత నెం 219:ప్రయత్నే కార్యసిద్ది

కవిత నెం : 219
*ప్రయత్నే కార్యసిద్ది *
ఒక ప్రయత్నం .... దానికి లేదు నిర్దేశం 
ప్రయత్నిస్తూ - విఫలమవుతూ 
అందుతూ - జారిపోతూ 
ఊరిస్తూ -వెక్కిరిస్తూ 
ఆశ అంటూ పెట్టుకోలేదు కాని 
అది నన్ను మోసం చేస్తూనే ఉంది 
నిరాశ నీడలోన నన్ను నడిపిస్తూ 
మరో సారి నన్ను ప్రయత్నించమంటూ 
బ్రతిమాలదు కాని నన్ను అది వదలదు 
ఓటమిస్తుందో ,గెలిపిస్తుందో చెప్పదు 
విమర్శ వద్దంటుంది 
కాని నన్ను ప్రయత్నించటం 
మానవద్దు అంటుంది 

Read More

కవిత నెం 218:మాటే మంత్రం

కవిత నెం :218

* మాటే మంత్రం *

మన మాట సంకల్పితంగా వచ్చేది 
మన నోటి నుండి జారే ప్రతీ మాటకు మనమే బాధ్యులం 
అనాలోచితంగా కొన్ని మాట్లాడితే 
అసందర్భంగా మరి కొన్ని మాట్లాడుతూ ఉంటాం 
సరదాగా మాట్లాడుతూ కొన్ని ఉంటే 
ముక్కు సూటిగా మాట్లాడుతూ పోయేవి మరి కొన్ని 
మన ఎదిగిన కొద్ది మన మాట ప్రధానం 
మనం మారుతున్న కొద్దీ మాట తీరు అవసరం 
మనం మంచిగా మాట్లాడితే మంచిగానే జవాబు వస్తుంది 
చెడుగా మన పలకరింపు ఉంటే అది నీకే తగులుతుంది 
మనం  మాట్లాడేది భావాన్ని వివరించేది అయ్యి ఉండాలి 
మనం మాట్లాడితే కొందరికి అయినా వినసొంపుగా ఉండాలి 
మనం మాట్లాడితే మర్యాద ఇచ్చి పుచ్చుకునేట్టు గా ఉండాలి 
మన మాటలో భాష  అర్ధవంతంగా ,అణుకువ గా ఉండాలి 
చెప్పటానికి చిన్న మాటే అందరికీ 
చెప్పే మాటలు ఆచరణలోకి నోచుకోవు మరికొందరికి 
మన మాటకి హుందాతనం ఉండాలి 
మన ఒక మాట అనుకుని చెప్తే దానికి విలువ ఉండాలి 
రాను రాను ఈరోజుల్లో మాటలోని సంస్కృతి అంతరిస్తుంది 
గొప్ప గొప్ప చదువులు చదువుకున్నా 'బూతు ' లేని మాట లేదు 
పెద్దలైనా ,పిల్లలైనా మాటల్లో శ్రావ్యం కనపడదు 
నేనింతే అనుకుంటూ ,నేను మారలేను అనుకుంటూ 
నేటివిటీ అంటూ సరళమైన భాషను వదిలి దుర్భాష నేర్చుకుంటున్నారు 
తల్లి దండ్రులను పేరు పెట్టి పిలిచే సంస్కృతికి అలవాటు పడుతున్నారు 
నిజానికి నాకు మాట్లాడటం రాదు అందుకే 
మాట అంటే ఎలా ఉంటుందో అని గుర్తు చేసుకుంటూ 
ఈ చిన్న మాట నా కలం నుంచి పుట్టిన మాట 
                                                    - గరిమెళ్ళ గమనాలు 

Read More

కవిత నెం 217:నా ప్రేమ కధ

కవిత నెం :217
*నా ప్రేమ కధ *

** తప్పక చదవండి ఒకప్పటి ప్రేమికులు లారా 
విది ఆడిన వింత నాటకంలో విడిపోయిన జంటల్లారా  ***

మనసు పడ్డాను  సుమీ 
నీ పరిచయం ప్రణయంగా మారగా 
మాట ఇచ్చాను చెలీ 
పంచ భూతాలు దీవెనలు ఇవ్వగా 
తిరిగాము సంతోషంగా చిలుకా గోరింకలుగా 
ప్రేమను అందుకున్నాము ప్రకృతి పరవశించగా 
గొప్పగా అనిపించింది కదూ !
మన ప్రేమను చూసి - మన చెలిమిని చూసి 
ఆనందం కళ్లలోనే నిలిచింది కదూ !
ఒకరిని ఒకరు చూసుకునే క్షణాలలో నిలిచి 
ఆకలి దప్పికలను విడిచి 
మన అంతరంగ భావాలతో ఊసులాడాము 
నిదర రాని రోజులలో - నా కలల రాణిగా నీవు 
నిన్ను చేరుకునే తరుణంలో - నీ రాకుమారుడి గా నేను 
జీవితం చాలు అనిపించేది నువ్వు నాతొ ఉంటే 
ఇంకేమి వద్దని పించేది నీ అదరామృతం తింటే 
ఒక కులం ,ఒక మతం మాటే లేదు కదా 
మనం ప్రేమికులం అయ్యాకా ,ప్రేమ అనే మతం తీసుకున్నాక 
నీ స్వరం ఎక్కడున్నా నాకు వినపడుతూ ఉండేది ఎందుకో 
నీ స్పర్శ నాకు తగులుతూ ఉండేది నువ్వు నాతోనే ఉన్నట్టుగా 
ఏ పువ్వు చూసినా నీ నవ్వు కనిపించేది 
నువ్వు బాధ పడితే నా మనసు చెమ్మగిల్లేది 
ఇద్దరం ఒకటే అని - మన ఏకాంతం చెప్పేది 
ఇద్దరం వేరు వేరు అని - మన కుటుంభం గుర్తు చేసేది 
ప్రపంచాన్ని చూసి భయపడ లేదు ఏరోజు 
పెళ్ళి అనే పేరుతో అమాంతం విడిపోయాం 
మనం మారినా మన ప్రేమ మారలేదు 
మన వయసు మారుతున్నా మన ద్యాస వీడటం లేదు 

                                                       - గరిమెళ్ళ గమనాలు 

Read More

కవిత నెం 216:అత్యాశ ప్రమాదం

కవిత నెం :216
*అత్యాశ ప్రమాదం *

ఒద్దురా మనిషీ 
నీ అవసరంకు మించి 
ఆశపడి - అత్యాశ పడి 

చూడరా మనిషీ 
నీ జీవితం పంచి 
సంతోషపడి - సహాయం పడి 

మట్టి ముద్దరా ఈ జీవితం 
నీ పుట్టుకే కాదు శాశ్వతం 

ఒంటరిగానే పయనం 
ఆశించకు ఏ సహవాసం 

నువ్వు కనపడితేనే ఇష్టం 
నువ్వు లేకుంటే ఎవరికీ కష్టం 

పేరు ఉంటేనే పడతారు 
బ్రతికి చెడితే తిడతారు 

డబ్బు ఉంటేనే చూస్తారు 
జబ్బు పడ్డావో పోతారు 

ఎవరికోసం నీ ఆరాటం 
ఏముంటుంది నీతో బంధం 

అనుకున్నది చెయ్యటం 
అందలేనిది పొందటం 
అందరిలో ఉండటం
ఒక్కడిగా పోవటం 

ఇదే జీవిత సత్యం 
ఉండలేరు ఎవ్వరూ 
కాలానికి అతీతం 

Read More

కవిత నెం 215:సోషల్ మీడియా స్నేహ గురి

కవిత నెం :215

సోషల్ మీడియా స్నేహ గురి :-

ఏది నిజం ఏది కల్పితం 

ఎవరో తెలియదు 

ఏమి పోస్టు చేస్తున్నారో తెలియదు 

అనుభవజ్ఞులు ,మేధావులు  కొందరైతే 

చదువరులు కొందరైతే , ఆకతాయిలు కొందరు 
మనసుకి తోచింది వాల్ పైన పెడటమే అలవాటు 
మరొకరి రాసింది కొట్టేసి వీరి సొంత మార్కులకై తడబాటు 
 సరదాలు కొన్నైతే - సాహిత్యాలు కొన్ని 
సహవాసాలు కొన్నైతే - సంతోషాలు కొన్ని 
తప్పో ఒప్పో తెలియదు ఈ సోషల్ మీడియా వచ్చాక 
నేర్చుకునేవి కొన్ని - నేర్పించేవి మరికొన్ని 
ఉపకారమే అందరికీ - వినియోగించుకుంటే 

Read More

కవిత నెం 214:జీవిత మజిలి

కవిత నెం :214
*జీవిత మజిలి * జీవితం ఒక రంగులరాట్నం
కాలం ఒక మంత్రదండం
మనిషి ఒక కళాత్మకవస్తువు
ఏదో చెయ్యాలని అనుకుంటాం
ఏదో దొరికిందని తృప్తి పడతాం
బాధ్యతలకు తలవంచుతాం
బంధాలకు ముడి పడతాం
స్నేహాలకు విలువనిస్తాం
ప్రేమ అంటే పడి చస్తాం
రూపాయికి లోబడతాం
స్వార్ధానికి చేరువవుతాం
మరణం అంటే బయపడతాం
మరోజన్మను కోరుకుంటాం
అంతా తెలుసు కాని
మనమేంటో తెలుసుకునే సరికి
ఒక జీవిత కాలం నీకు బెల్ కొడుతుంది

Read More

కవిత నెం 213(ఎదురుచూపుల సంక్రాంతి )

కవిత నెం :213

ఎదురుచూపుల సంక్రాంతి 

ఎంతమంది నానమ్మ ,తాతయ్యల ఎదురుచూపులో 
ఈ సంక్రాంతి పండుగకైనా తమ మనువడు వస్తాడని 

ఎంతమంది అమ్మా ,నాన్నల మమకార చూపులో 
ఈ సంక్రాంతి పండుగకైనా తమ కొడుకు వస్తాడని 

ఎంతమంది అత్తా ,మామల ఆత్మీయ పిలుపులో 
ఈ సంక్రాంతి పండుగకైనా తమ అల్లుడు వస్తాడని 

ఎంతమంది కొత్త అల్లుళ్ల కోరికల చిట్టాలో 
ఈ సంక్రాంతి పండుగకి అత్తింట వారి కానుకుల కోసం 

ఎంతమంది అక్కల అనురాగచూపులో 
ఈ సంక్రాంతి పండుగకైనా తమ్ముడు చెంతకు చేరతాడని 

ఎంతమంది మరదళ్ల ఎడబాటు చూపులో 
ఈ సంక్రాంతి పండుగకైనా తమ భావ వస్తాడని 

ఎంతమంది స్నేహితుల ఎదురుచూపులో 
ఈ సంక్రాంతి పండుగకి తమ స్నేహితుడు తమను కలుస్తాడని 

ఏ ఊరు బిక్కుమని ఆశగా ఎదురుచూస్తుందో 
ఈ సంక్రాంతి పండుగకైనా సొంతవారు తమ గూడు చేరతారని 

ఏ పల్లె ఆవేదన నేడు తీరనుందో 
ఈ సంక్రాంతి పండుగకైనా తాను గుర్తొస్తున్నానని 

ఏ సొంత కొంపకి సంతోషం దరిచేరనుందో 
ఈ సంక్రాంతి పండుగకి బంధువుల రాకతో వెలుగు వస్తుందని 

ఏ పట్నం తన  మనసులో భాద తీర్చుకోనుందో 
ఈ సంక్రాంతి పండుగకైనా పుట్టిన్తివారిని ఒకటిచేస్తున్నానని 

కొన్ని హృదయాలు చలిస్తాయి - ఈ సంక్రాంతి పండుగకి 
కొన్ని స్నేహాలు పలకరించుకుంటాయి - ఈ సంక్రాంతి పండుగకి 
కొన్ని బంధాలు బిగుస్తాయి - ఈ సంక్రాంతి పండుగకి 
కొన్ని ప్రేమలు చిగురిస్తాయి - ఈ సంక్రాంతి పండుగకి 

Read More