*ఒక స్వప్నం కోసం *
•••••••••••••••••••
నిద్రించే నిన్ను మేల్కోలిపేదే స్వప్నం
అలజడితో మొదలై ఆశను పుట్టించి
ఆశను మలుపుకున్నావో ఆశయమే నీది
నీ స్వప్నం నిజమవుతుంది
నీ స్వర్గం చేరువవుతుంది
స్వేచ్ఛగా విహరించవోయి స్వాప్నికుడా
గుండెలోపల దాగున్న భారాన్ని చేధిస్తూ
నిన్ను వెంటాడే బాధల్ని తరిమేస్తూ
నీ మనసుకు ఆనందపు రెక్కలు తొడుగుతూ
నీ స్వప్నాన్ని వారధిగా చేసుకుని
రధసారధివై నీ గమ్యాన్ని మార్చుకో
పోగొట్టుకున్న చిన్ని చిన్ని సంతోషాలను
అడ్డుగోడగా మారిన అవరోధాలను
అనిశ్చితుణ్ణి చేసిన అవమానాలను
గరళంగా భ్రమించిన సందర్భాలను
నీ లక్ష్యంతో లక్షణంగా పలకరించు
ప్రతి స్వప్నపు మజిలీని దృశ్యంగా మార్చుకో
నీ విజయంతో వినమ్రంగా సమాధానపరుచు
గమనంతో నీ కలల సౌధాన్ని సాధించు
నీ స్వప్నం తప్పక నిజమౌతుంది
నీ స్వర్గం తప్పక చేరువవుతుంది
0 comments:
Post a Comment