మారని ప్రేమ రేఖ
తొలిసారి పుట్టిన ప్రేమ
తుదివరకు చావదు
ఏ చరిత్రలోనూ మారదు…
ఆరాధనో… ఆలాపనో…
నీ నీడలో, నీ ఒడిలో గడిపిన సాంగత్యం
నాకు జీవితకాలం సరిపోయే సంతోషం…
నువ్వు ఔనన్నా… కాదన్నా…
నీ ప్రేమలోనే నిలిచిపోతాను
నీ ప్రేమతోనే సాగిపోతాను…
నువ్వు నాకోసం ఉన్నావన్న ఉనికి చాలు
నాకు నాకోసం ఉంటావన్న ఊహ చాలు…
అమాంతం నీ గుండెలపై వాలి
నీ స్పర్శని బంధించాలని ఉంది…
కాసేపైనా… మరి కాసేపైనా…
నీ కబుర్లతో పొద్దు గడపాలని ఉంది…
ఏకాంతం మనకు వస్తుందో రాదో
ఈ క్షణమైనా చాలులే…
నీ పిలుపుకి అదే దారి…
తనివితీరా చూడమనే నా కళ్ళు
నువ్వు కనపడితే స్థంబాలైపోతాయి…
వరమో… కలవరమో…
ఈ జన్మకి ఇదే కారణమో…
నువ్వక్కడ… నేనిక్కడ…
మారని రాతేమో…
మన ప్రేమకు మాత్రం
ఏ విధి కూడా అడ్డుకాలేదు…
నా బంధమా… అనుబంధమా…
నా ప్రాణమా… నా రూపమా…
స్వాగతం నా హృదయంలోకి…
సుమస్వాగతం నా గతంలోకి…
నువ్వు ఆనందంగా…
నీ జీవితం అందంగా ఉండాలని కోరుకునే
నీ ప్రేమకు రాజుని…
నీ ప్రేమలో రారాజుని…
కామెంట్లు లేవు:
కామెంట్ను పోస్ట్ చేయండి