కవిత నెం : 317 (పసిడి కిరణాలు)

కవిత నెం : 317

* పసిడి కిరణాలు *
ముద్దు ముద్దు పిల్లలు
ముత్యమల్లె ఉందురు
ఆ పాల బుగ్గలు
లేలేత మొగ్గలు
పసి బోసి నవ్వులు
పసిడి కాంతి మెరుపులు
అమాయకపు చూపులు
అల్లరల్లరి చేస్తురు
అచ్చమైన పాత్రలు
స్వచ్ఛమైన శ్రోతలు
చిట్టి పొట్టి చేతులు
చిన్ని కిట్టయ్య చేష్టలు
బొద్దు బొద్దు సొగసులు
బుంగమూతి పెడుతురు
మల్లెలాంటి బాలలు
మాటలెన్నో చెబుదురు
అందమైన ఆటలు
అంతరంగ బాటలు
కీచు కీచు కేరింతలు
కింద మీద తుళ్లింతలు
బోలెడన్ని ఆశీస్సులు
భవిష్యత్తు ఉషస్సులు
ఏవో ఏవో తేజస్సులు
ఈ చిన్నారుల రూపాలు
ఎన్నో మధురిమలు
మృదువైన క్షణాలు !!!

-