కవిత నెం : 330(నై -వేదం)

కవిత నెం : 330
కవితా శీర్షిక : నై -వేదం

మనుషులగానే కనపడతారు
మనసులోని విషయాన్ని నవ్వుతూ వెదజల్లుతారు

పొగడ్తలకు పొంగిపోయే రోజులు
నిశ్శబ్దాన్ని ఎలా సహించగలరు ?

కపటబుద్దితో కాసుకొని ఉందురు
నంగనాచి నాటకాలు ఆడుతూ ఉందురు

నమ్మకం అనే వస్తువుకై ఎదురుచూపులు
నమ్మినవారిని సునాయాసంగా ముంచుదురు

కోప -ప్రదర్శనకు కాదేది సంఘటనకు విరుద్ధం
ఇష్టంలేని చోటే చిరాకుకు పట్టాభిషేకం

చూడటానికి అందరూ బంధువులే 
అలవాటుపడ్డావా పీక్కుతినే రాబందులే 

కదిలిస్తే అందరూ భయపడేవాళ్లే 
గాంభీర్యం పైన కప్పుకునే వస్త్రం మాత్రమే 

నిజాయితీ ,నిబద్దత అంటూ నీటి సూత్రాలే 
అబద్దాల బాటలో మారిపోయే జీవితాలే 

ప్రేమకోసం వెతకకు ఎక్కడా దొరకదూ 
ప్రేమగా మాట్లాడుతూనే గొంతు కోస్తురు 

నచ్చిన వాళ్లు , నచ్చని వాళ్లు అంటూ లేరు 
మన స్వభావం లోనుంచే పుట్టుకొచ్చే శత్రువులు 

- గరిమెళ్ళ రాజేంద్ర ప్రసాదు