కవిత నెం :292(మనసు వాంచ)

కవిత నెం :292
*మనసు వాంచ *

మనసారా ఉండాలనీ
మనసు మాట పంచాలనీ
మనసు కిటికీ తెరవాలనీ
అనుకుంటూ చలిస్తుంది ఆ మనసు
ప్రతి స్పందనకై ఎదురుచూస్తూ

తేనెపూసే మాటలొద్దు
తేనెలొలికే మాట చాలు
మత్తు జల్లే మనసు వద్దు
బాధపడినా నిజమే ముద్దు

ముందరకాళ్ల బంధమొద్దు
వెన్నుతట్టే హస్తమే హద్దు
నీ నవ్వులో ఒక చూపు చాలు
నీ నవ్వుతో ఒక పలకరింపు చాలు

మనసంటూ ప్రతీ వారికి
మనసంటూ ఒకటుంటుంది
మనసుని నొప్పించకండి
కుదిరితే మీ స్వచ్ఛనీయమైన
స్నేహంతో మనసుని మెప్పించండి

అదే అదే ఈ మనసు వాంఛ

- గరిమెళ్ల రాజేంద్ర ప్రసాద్