కవిత నెం : 298(కోరిక)

కవిత నెం : 298
* కోరిక *

మొగ్గలా మొలుస్తుంది పువ్వులా విచ్చుకుంటుంది
ఆశలా పుడుతుంది గమ్యం కోసం పరిగెడుతుంది
గుండెలోతుల్లో దిగులుగా , మెదడు మలుపుల్లో నరంలా
ఆలోచనల వేడితో ముందుకు సాగిపోతుంటుంది
శూన్యంలోనుంచి గగనతలం చేరేదాకా
లోలోపల కొత్త ఉత్ప్రేరకాలను చేర్చుతూ వస్తుంది
కనిపించనిదేదో మన కళ్ళముందుకు తెచ్చేదాకా
కకావికలమవుతూ అలజడి రేపి అదృశ్యమవుతూ ఉంటుంది
నీ సంకల్పం ఏమిటో దిశా ,నిర్ధేశం నీకు తెలిస్తే
దానికై నిరంతరం నీ శ్రమ విద్యుత్తులా ప్రవహిస్తే
నీవు కన్న కల , నీ నిజమైన కోరిక రూపంలో
నీ ముందు నిజంలా నిలుస్తుంది
అదే కోరిక గుఱ్ఱమై పరిగెడితే
అది మితి మీరు నిన్ను నాశనం చేస్తుంది

- గరిమెళ్ళ రాజేంద్ర ప్రసాదు
29. 08. 2017