కవిత నెం 162:అందమా .... చంద్రబింభమా

కవిత నెం :162
అందమా .... చంద్రబింభమా
నన్ను నిద్దురపోనీయక చేసే రూపమా

ప్రాణమా ... నా ప్రతి రూపమా
నా  ఊపిరిని అందనీయకుండా చేసే పరువమా

కావ్యమా .... ఖజూరహో శిల్పమా
నీ ధ్యాసతో కుదురు లేకుండా చేసే పరిహాసమా

గంధమా ... సుగంధమా
నీ ఎద పరిమళాలతో మతిని పోగొట్టే  ప్రణయమా

మౌనమా ... మధుర భావమా
నీ జ్ఞాపకాలతో తిమ్మిరి పుట్టించే మౌనరాగమా

రమ్యమా .... లావణ్యమా
నన్నే పలకరిస్తూ ,నాకు ఎదురొచ్చే చిరు ధరహాసమా

ప్రియతమా ... నా హృదయమా 
నాకై తపిస్తూ ,నన్నే జపిస్తూ   నిరీక్షించే నా బంధమా 

                                                 - గరిమెళ్ళ గమనాలు//18. 08. 15//