కవిత నెం 30:ఆలు మగలు

కవిత నెం :30
*ఆలు మగలు * బార్యా భర్తల బందం ఎంతో పవిత్రమైనది
మూడు ముళ్ళ బంధమది
ఏడడుగుల అనుబంధమది
జన్మ జన్మల బాందవ్యమది
నీకోసం ఒక తోడు నిరంతరం నీతో పాటుగా జీవించటానికి ఏర్పరిచినబంధం  ''పెళ్లి''
బందువులు ,స్నేహితులు ,ఆత్మీయులు అని ఎందరున్నా
నీవంటే ప్రత్యేకంగా , నీ కోసమే తన సావాసం అన్నట్టుగా
నీ కోసమే ఈ జీవితం అంకితంగా నిర్ణయింపబడినదే ఈ బార్య భర్తల బంధం
ఒకరంటే ఒకరు ,ఒకరి కోసం ఒకరు జీవితాంతం వారికి వారే తోడూ నీడా
కష్ట సుఖాలు ,కలిమి లేములు లను సమపాలుగా బావించి సాగేదే ఈ సంసారం
చిన్న చిన్న చిరాకు తుంపరులు మద్య మద్యలో గిల్లుతుంటాయి
దానికి వాన వెలసిన తర్వాత వచ్చే హరివిల్లులా మీ జీవితం విరిసిల్లాలే తప్ప
గాలికి కొట్టుకుపోయిన ఆకులు లాగా ,మోడుగా  మిగిలిన చెట్టులాగా సంసారం ఉండకూడదు
ఆకాశమంత హృదయం చేసుకుని సరదా సరదాలతో ఉల్లాసంగా ఉరుకులేయ్యాలి తప్పితే
తూర్పు పడమరలా ఆలు మగలు మౌనం లంగించకూడదు సుమీ
పైకి ఒకరికొకరు ప్రేమను తెలియపర్చలేక పోయిన ,లో లోపల ఒకరిపై ఒకరు
సముద్రం అంత ప్రేమను పదిలపరుచుకుంటారు అది అవసరం వచ్చినప్పుడు
లావా లాగా పొంగిపొర్లు తుంది అని మరువకండి
ఇద్దరంటే ఒకరులా ,నీలో నేను నాలో నీవు సగ బాగంలా అన్యోనంగా అల్లుకుపోవాలి
అరుదుగా ఉన్న ఈ జన్మలో మీకు మీరే రాణి రాజులు లా
అందమయిన ఈ జీవితాన్ని హాయిగా అనుభవించటానికి ఉన్న ప్రతీ అవకాశాన్ని
సద్వినియోగం చేసుకుంటూ ,ఒకరిఒకరు నూతన స్వగతాలను అందించుకుంటూ
నిరాడంబరంగా , నిరంతరం నిత్య నూతన వసంతంతో మీ సంసారజీవితాన్నివనంలో
సంసారపక్షుల వలే విహరించాలి మీ జన్మాంతం వరకు .