కవిత నెం : 295(దిక్సూచి)

కవిత నెం : 295

*దిక్సూచి *

కసిగా ఉండాలి
మసి తొలగించాలి
పట్టుదలతో నువ్వే విజయం పొందాలి


క్రమశిక్షణ ఉండాలి
విద్యార్థిగా మెలగాలి
నీ ఓర్పుతో ఉన్నతంగా ఎదగాలి

భవిత మీదే ఈ కవిత నాదే
శ్రమలో పుడితే  గెలుపు మీదే

రేపటి సూర్యులు మీరు
నేటి సమిధలు మీరు
ఎదిగే మొక్కలు మీరు
నేటి విత్తులు మీరు

నీ లక్ష్యాన్ని ఎంచుకో
నీ లక్షణాన్ని తెలుసుకో
నీ గమ్యాన్ని మలుచుకో
గగన విహంగమై దూసుకుపో

భవిత మీదే ఈ కవిత నాదే
గతము చూస్తే గుబులు రాదే

ఆశల సౌథం మీరు
రేపటి ఆశాకిరణం మీరు
అక్షర ద్వీపం మీరు
రేపటి అక్షర ఆయుధాలు మీరు

నీ ఆశయం నిలుపుకో
నీ అభివృద్ధిని నిర్మించుకో
నీ గమనాన్ని మార్చుకో
నేటి ప్రపంచంలో నిలిచిపో

భవిత మీదే ఈ కవిత నాదే
కష్టపడితే ఫలము నీదే


- గరిమెళ్ళ రాజేంద్ర ప్రసాద్
Dt : 06. 06. 2017