కవిత నెం :19 //జెండా //
మూడు రంగుల జెండా ఇది మువ్వన్నెల జెండా
మూడు రంగుల జెండా ఇది మువ్వన్నెల జెండా
రెప రెప లాడుతూ రివ్వున ఎగిరే జెండా
కులమత బాష బేదాలకు అతీతమై వెలసిన జెండా
సమరవీరుల త్యాగఫలాలకు చిహ్నమై నిలచిన జెండా
పరాయిదేశ పాలన నుంచి స్వాతంత్రం తెచ్చిన జెండా
మన మంతా బారతీయులం అని చాటి చెప్పిన జెండా
సుందరయ్య కలం నుంచి జాలు వారిన చిత్రం ఈ జెండా
పింగళి హస్తం నుంచి రూపాంతరం చెందినది ఈ జెండా
సస్యశ్యామల సుభిక్ష ధరణీతల సంకేతం ఈ జెండా
అహింసా ,శాంతి ,సౌబ్రాతత్వములు కలిసినది ఈ జెండా
భారత దేశ చరిత్రకు సగర్వ కారణం ఈ జెండా
నిత్యనూతనంగా ఎగరాలి మన జాతీయ జెండా
భావి భారత ప్రగతికే విజయకేతనం ఈ జెండా
0 comments:
Post a Comment