కవిత నెం 77:ప్రేమ కోసం - కవితా ''కారం ''

కవిత నెం :77

ప్రేమ కోసం - కవితా ''కారం ''
****************************
నమస్కారం !
నువ్వంటే నాకు ''మమకారం''
కాదు అది ''చమత్కారం'' 
నీ నవ్వు ఒక ''అలంకారం'' 
నా మనసు చేస్తుంది ''ఝూంకారం'' 
చెయ్యకు సుమా నీవు దాన్ని ''వెటకారం'' 
నీ కోసం తింటా ''గొడ్డుకారం'' 
నిన్ను చూసి నేర్చుకున్నా ''ఉపకారం'' 
మరి నాకైతే చెయ్యవుగా ''అపకారం'' 
నా కళ్ళలో కొట్టకు ''సూరేకారం'' 
నా ప్రేమకు ఆ పంచభూతాలే ''సాక్షాత్కారం'' 
నా ప్రేమ మంత్రం ''ఓంకారం'' 
నీ ప్రేమకొరకు కట్టా ''శ్రీకారం'' 
చిరాకుతో చూపకు ''ఘీంకారం'' 
మన ప్రేమలో ఉంది ''లవ్ ''కారం 
రాసిచ్చేస్తాలే నీకు దానిలో ఒక ''లకారం'' 
నీవు లేని బ్రతుకు నాకు ''కారాగారం'' 
నీ ప్రేమను గెలిస్తే అదే నాకు ''సత్కారం'' 
నీ ప్రేమను పంచి చెయ్యవా నా జన్మ ''సాకారం'' 
నువ్వు గనుక చేస్తే నా ప్రేమను ''తిరస్కారం'' 
ఇక నాకు మిగిలేది ఒట్టి ''కారం ''
అర్ధం చేసుకుని తెలుపవే నీ ''అంగీకారం''

//గరిమెళ్ళ రాజేంద్ర ప్రసాదు // 11. 02. 2015//