కవిత నెం :303
* జన్మ రహస్యం *
సంబరమా అంబరమా
శాస్త్రీయత్వమా అస్థిత్వమా
నాగరికమా అనాగరికమా
ఖర్మమా మర్మమా
లోక యుక్తమా లోక కళ్యాణమా
ఎందుకు జననం
ఎందుకు మరణం
జనన మరణాల నడుమ నలిగేదే జీవనం
విదితమా విధిరాతమా
సంకల్పితమా ప్రేరేపితమా
తెలియని ప్రశ్నలు కొన్నైతే
మదిని తొలిచేస్తున్న ప్రశ్నలు ఎన్నో
వత్సరానికి ఒకసారి వేడుకనా
ఆయుష్షుకు దగ్గరని విచారణకా
ఈ మధ్యస్థమైన ఆలోచన తటస్థమేనా
నిర్మలత్వంలోనుంచి పుట్టిన నిజమేనా
సాధన చేయుట కొరకా
సాధ్యము అనిపించుట కొరకా
అండపిండ బ్రహ్మాండాలను
ఛేదించుట కొరకా
పుట్టుక ఒక అండ రూపమైన
గిట్టుక పిండ ప్రధానమేగా
అర్థమా పరమార్ధమా
అన్వేషణలో ఆయువు సాగెనా
ఒక ఆనందం జన్మకు కారణమైతే
ఒక వేదన మిడతలా మిట్టాడునా
ఏది ఏమైనా ఈ జన్మకు సాఫల్యం
ఎప్పటికీ అర్ధమవ్వునో కానీ
ఈ జన్మకి ఇలా కానించాలని విదితమే కదా
ఎవ్వరైనా ..... ఏమైనా
* సమాప్తం *
0 comments:
Post a Comment