కవిత నెం :48
నేను మనిషినా
జవాబుచెప్పగలను కాని ప్రశ్నించలేను
ప్రేమించగలను కాని ద్వేషించలేను
బ్రతిమాలగలను కాని కోపించలేను
సహాయం చేయగలను కాని అర్దించలేను
మాట్లాడగలను కాని పోట్లాడలేను
ప్రాదేయపడగలను కాని పోరాడలేను
ఓదార్చగలను కాని ఓర్చుకోలేను
ఆచరించగలను కాని ఆజ్ఞాపించలేను
బలవంతుండనే కాని మదవంతుడని కాను
న్యాయమున్నవాడినే కాని అన్యాయం చెయ్యలేను
స్వార్దమున్నవాడినే కాని స్వలాభం కోరుకోను
కష్టించగలను కాని సుఖించలేను
జాలి చూపగలను కాని జాలి తట్టుకోలేను
విలువలు తెలిసినవాడిని కాని విలువను పొగొట్టుకోలేను
గౌరవించగలను కాని అగౌరవపరచలేను
ప్రార్దించగలను కాని ధూషించలేను
పనిమంతుండనే కాని పనికిమాలినోన్ని కాను
తెలివిఉన్నవాడినే కాని అది ఉపయోగించుకోలేను
బ్రతికించగలను కాని బ్రతుకలేను
మరి నేను మనిషినా ? మనిషినేనా ??
//గరిమెళ్ళ గమనాలు//27.09.14//
0 comments:
Post a Comment