కవిత నెం 42:నీ బ్రతుకు -నీ ఉరుకు

కవిత నెం :42

నీ బ్రతుకు -నీ ఉరుకు  
***********************
ఎవరు  తీర్చగలరు నీ ఇంటి భాదలు
ఎవరు మోయగలరు నీ అశ్రుధారలు
నడుచుచున్న సమాజమే - నడవలేదుగా
కదులుతున్న కాలమే -కలుపలేదుగా
నీ బ్రతుకు నీది , నీ ఉరుకు నీది  //2//
బ్రతకగలవనుకుంటే అడుగు వెయ్యి

అందే అవకాశం - అది ఓ ప్రతి భింభం
నమ్మకం నీవైతే - అది చంద్ర భింభం
ఆగిపోకు అలసిపోయి - జారిపోకు నీరు గారి
గుండె నిండా బలం నింపి - ఊపిరినే విల్లు చేసి
సాగిపో సంద్రమై - నిలచిపో స్థైర్యమై

ఎవ్వరాపగలరు నీ వెలుగు రేఖలు
ఎవ్వరాపగలరు నీ చిరు నవ్వులు


నడిచే నీ పయనం - పారే జలపాతం 
ప్రయత్నం నీవైతే - చేరుతుంది గమ్యం 
ఆటు పోట్లు ఉంటాయి - అలలు అడ్డుపడతాయి 
మనసు నిబ్బరం చేసుకుని - ఆలోచనే ఆయుధంగా మలుచుకుని 
ఉరికే కెరటమై - మారిపో విజయమై 

ఎవ్వరాపగలరు నీ వెలుగు రేఖలు
ఎవ్వరాపగలరు నీ చిరు నవ్వులు

//గరిమెళ్ళ గమనాలు // 15.09.2014 //