కవిత నెం :64
ఎవ్వరాపలేరు నిన్ను
ఎవ్వరాపలేరు నిన్ను
****************************
ముసురు కమ్మి చినుకునాపలేదు
గ్రహణం పట్టి సూర్యుని కాంతిని దాచలేదు
వెనుకడుగు వేసినా పులి పంజా వేట మానదు
నీటిప్రవాహం ఎంతవున్నా సుడిగుండాన్ని తప్పించలేదు
అగ్ని ఎంత ఎగిసిపడుతున్నా నీటిచుక్క ఓడిపోదు
విషనాగుల ముందు ముంగిస బెదరదు
నిండు కుండ తొణకదు
సంద్రమెన్నడూ ఎండదు
తోకచుక్కలు ఎన్నిరాలుతున్నా
అంతరిక్షం అంతరించదు
జీవితం అనేది ఒడిదుడుకుల సంగమం
కష్ట సుఖాల సాగరం
ఎదురుదెబ్బలు తగులుతూ వుంటాయి
స్పీడ్ బ్రేకర్స్ మనల్ని ముందుకు వెళ్ళకుండా ఆపుతూ వుంటాయి
ఎన్ని ఎదురు వస్తున్నా కాలాన్ని ఎవ్వడూ క్యాచ్ చేయలేడని తెలుసుకో
గోడను తన్నిన బంతిలా సాగిపో
దెబ్బతగిలితే కలిగే బాధ
మన విజయాన్ని గుర్తు చేసే సంకేతంలా వుండాలి
అవరోదాలు మన స్నేహితులు
ఆటంకాలు మన సన్నిహితులు
ఆపదలు మన ఆపద్బాందవులు
మంచిని ఆహ్వానించే మనసు నీకున్నప్పుడు
చెడును స్వాగతించే అబిలాష కూడా ఉండాలి
తప్పు జరిగిందని తల్లదిల్లవద్దు
చెడు జరుగుతుందని సంకోచించవద్దు
నిరాశతో నీ ప్రయాణాన్ని నిశ్రుహ పరచవద్దు
అతిశయం లేని జీవితంలో నిర్విగ్నంగా ,నిర్మలంగా
నీ నడకను సాగించు నేస్తం
// రాజేంద్రప్రసాదు//07.11.14//
0 comments:
Post a Comment