కవిత నెం63:కడలి -మజిలి

కవిత నెం :63
కడలి -మజిలి
*******************
కడలి ఆకాశానికి దూరంగా ఉంటూ ఆవిరై చేరుతుంది 
ఆ ఆవిరే వాన చినుకుగా మారి వర్షమై కురుస్తుంది 
ఆకాశాన్ని అందుకోవాలని కడలి అలై పొంగుతుంది 
ఆ అలే ఆత్మస్థైర్యానికి ఆదర్శంగా నిలుస్తుంది 
'ఇసుక పాన్పు ''తో జీవరాశులకు ఇల్లుగా తానుంటుంది 
అదే ఇసుక అద్బుత కళాఖండాలకు మూలమౌతుంది
ప్రకృతిసంపదను దాచుకుని పరవళ్ళు తొక్కుతుంటుంది 
పల్లెకారులకు ''ప్రకృతి దేవత '' యై ఆసరా అవుతుంది 
జలపాతాలను కలుపుకుంటూ ''జలావరణ్య'' మౌతుంది 
సృష్టిఅంతా వ్యాపించి ''జలపాదమై '' కదులుతుంది 
మనోవేదనను చెరిపి ఆహ్లాదాన్ని అందిస్తుంది 
మమతలతీరమై నిలచి ఆహ్వానం పలుకుతుంది 
అందంగా కనపడుతూ , ఆనందాన్ని పంచుతుంది 
అప్పుడప్పుడు కోపిస్తూ ,''సునామిభూతాన్ని '' సృష్టిస్తుంది 
నీలి వర్ణ రంగుతో ,నాజూగ్గా కదులుతుంటుంది 
నిర్మలమైన అలజడితో , మౌనంగా మాట్లాడుతుంటుంది 
ప్రళయాలను సృష్టిస్తూ ,పసిపాప నవ్వులా కనిపిస్తుంది 
ప్రేమకి వారధిగా నిలుస్తూ , ప్రేమసాగరమై ప్రవహిస్తూ
ఎన్నో కావ్యాలకు రూపునిస్తూ , కవికెరటమై ఉదయిస్తూ
విశ్వమంత విశాలమైనది కడలి - వెన్నెల కొంగు కడలి