కవిత నెం 200:గుండె చప్పుడు

కవిత నెం :200

గుండె చప్పుడు 

నాలో నేనే నీలా 
నీలో నీవే నాలా 
ఒక్కసారిగా ఒక్కటై 
ప్రతిస్పందన మొదలై 
మనలో మనమే చేరగా 

ఏమంటారు దానినే 
గుండె చప్పుడు ... గుండె చప్పుడు 

నీ ఆలోచనలో నేనే ఉండగా 
నా ఆలోచనలో నీవే నిండగా 
నా కనులలో వెలుగు నీవేగా 
నీ శ్వాషలో ఊపిరి నేనుగా 

ఒకరికి ఒకరం 
ఒక్కసారిగా ఇద్దరం 


అంటారేమో దీనినే 
గుండె చప్పుడు ... గుండె చప్పుడు 

నీ వెళ్లే చోటనే నేనే రానా 
నే నడిచే బాటలో అడుగివి నీవుగా 
వింటున్నా నీ పేరే ఒక సంగీతంలా 
నీ పిలుపే నాకు ఒక ఆలాపంలా 

ఒకరిలో ఒకరం 
అర్ధసగమై ఇద్దరం 


అంటారేమో దీనినే 
గుండె చప్పుడు ... గుండె చప్పుడు 


నా మనసులో మాటే నీదిగా 
నీ మనసున్న చోటే నాదిగా 
నీ చేతిలో ఉండే రేఖలా 
నా నుదిటిన ఉండే గీతలా 

ఒకరై మనం 
ఒకరికోసం ఒకరం 


అంటారేమో దీనినే 
గుండె చప్పుడు ... గుండె చప్పుడు