కవిత నెం :184
*నువ్వంటే ఇష్టం * స్వచ్చమైన నీ చిరునవ్వంటే నా కిష్టం
*నువ్వంటే ఇష్టం * స్వచ్చమైన నీ చిరునవ్వంటే నా కిష్టం
వెన్నెలమ్మ హాయిని చూపే నీ చూపంటే నా కిష్టం
లోకం మరచి,నీతో ఉండి ,మాట్లాడటమంటే నా కిష్టం
నీ వైపు చూస్తూ , వినాలన్పించే - నీ పలుకులు అంటే నా కిష్టం
నిన్నే తాకి, నన్నే సోకిన చిరుగాలి అంటే నా కిష్టం
నీ రూపం చూపుతూ ,వచ్చే ప్రతి కల అంటే నా కిష్టం.
నీ వాలుజడలో కొప్పున వుండే సంపెంగ అంటే నా కిష్టం.
నీ కాలికింద మువ్వలు చేసే ,సవ్వడులు అంటే నా కిష్టం.
నీకై వేచి నిరీక్షించిన ,సమయమంటే నా కిష్టం.
నీకోసం నే తలచే ,ఆ తలంపులు అంటే నా కిష్టం.
నన్నే తిడుతూ కదిపే , ఆ పెదవులు అంటే నా కిష్టం
అందమైన గోరింటాకు కల్గిన ,నీ అరచేయ్యంటే నా కిష్టం
నన్నే మరపించే , నీ జ్ఞాపకాలు అంటే నా కిష్టం.
నీ ఒడిలోన ఒదిగినప్పుడు , ఆ కమ్మని హాయి నా కిష్టం
నీ కోసం నే రాసే , చిరు కవిత అంటే నా కిష్టం.
నీతో కలిసి నడచిన , ఆ మదురక్షణములు అంటే నా కిష్టం
నీ కోసం నే వదిలే , నా శ్వాసంటే నా కిష్టం
నీ కోసం నే మలచుకున్న , నా ఆశయమంటే నా కిష్టం.
!!!!!!!
గరిమెళ్ళ రాజా
0 comments:
Post a Comment