కవిత నెం :179
నీ జ్ఞాపకాలే నన్నిలా
నీ జ్ఞాపకాలే నన్నిలా
దాచాయిలే గుట్టుగా
నమ్మానులే మత్తుగా
విరజాజి పువ్వువు నువ్వా?
వికసించే కుసుమం నువ్వా?
నా చక్కిలి గింతవు నువ్వా ఓ వెన్నెలా?
నీవే నా తరగని కల
నిదురించే నేనీ వేళ
నీ చంటి పాపాయిలా
లాలించాలి నన్నిలా ఓ వెన్నెలా !
దివికి దిగి వచ్చిన తారవు నీవా?
నీలగిరి సొగసువు నీవా?
హిమాచల బిందువు నీవా?
నీవున్న ప్రతి ఇల
అవుతుంది ఒక కోవెల
కిలకిల రాగాల కోకిల
పిలుస్తోంది నిన్నీ వేళ
సముద్రంలోని అల
నీకై పరుగులు ఏల?
ఒక్కసారి అందరాదా ఓ వెన్నెలా ?
నా నిరీక్షణ ఫలించాల
నిన్ను చూసిన ఈ క్షణాన
ఓదార్పుగా నీ ఒడిలోన
ఒక యుగాన్నే దాటి యున్నా నా వెన్నెలా !
!!!!!!
గరిమెళ్ళ రాజా
0 comments:
Post a Comment