కవిత నెం134:నువ్వంటేనే

కవిత నెం :134

నువ్వంటేనే మోహం 
నువ్వంటేనే ద్వేషం 
ఎందుకు చెలియా నాలో ఈ రోషం 

నువ్వంటేనే  ప్రాణం 
నువ్వంటేనే శూన్యం 
ఎందుకు చెలియా నాకీ అయోమయం 

నువ్వంటేనే ఇష్టం 
నువ్వంటేనే కష్టం 
నువ్వంటేనే నాలో ఉన్న ఉద్రేకం

చెలియా చెప్పే కధలా
చెలియా చెరుగని వ్యధలా 
ఏముందే  ఇంతలా మన మధ్యనా 

గుండెలో బరువై నీవు
కళ్లలో  వెలుగై నావు
కనిపించక కసి రేపావు

గుండెచాటున చెలిమై నీవు
నా నీడమాటున అడుగైనావు
నేనంటే నీవుగా మార్చేసావు

ఇన్నాళ్ళు తెలియనే లేదే - ఎడబాటంటే
ఇప్పుడే అలవాటవుతుందే - ఒంటరి అంటే             

నువ్వంటేనే మౌనం
నువ్వంటేనే ఒక ఉదయం  
నువ్వంటేనే నా చుట్టూ తిరిగే భూగోళం