కవిత నెం107:మౌనం

కవిత నెం :107 //మౌనం //

అంతరంగంగా తరంగాలను సృష్టించే ధ్వని ఈ ''మౌనం'' 

సుముఖంగా భావాలను దాచ గని ఈ ''మౌనం'' 

సూర్యోదయం రాకముందే తన ఉషస్సుతో 

సవ్వడి చేసే ఓ మంచుపోగ ఈ ''మౌనం'' 

వర్షపు నీరు భూమిని తాకగానే 

వెదజల్లే పరిమళం ఈ ''మౌనం'' 

సంక్రాంతి ముగ్గులో గొబ్బెమ్మలా 

పోదిగియున్దేడే ఈ ''మౌనం''

శీతాకాలం చలిబిందువులా 

వెచ్చని ఆవిరి ఈ ''మౌనం''

పండువెన్నెల లో పుత్తడి కాంతుల మాటున 

పయనించే నీడ ఈ ''మౌనం'' 

పెదవుల బయటికి రాకుండా 

గొంతులోపల గరళంలో దాగివుండేది ఈ ''మౌనం''

ఏ  చప్పుడు రాని శబ్దం ఈ ''మౌనం''

మన గుప్పిట మూగ భావం ఈ ''మౌనం''

!!!!!!!!!!!!!!!!!

గరిమెళ్ళ రాజా