కవిత నెం 95:ఓ సంద్రమా

కవిత నెం :95//ఓ సంద్రమా //

* ఓ సంద్రమా !*
రచన : 14 , హైదరాబాద్


ఓ సంద్రమా !
నీ సున్నిత సాన్నిహిత్యం సుమదురమైనది
నీ తిమ్మిరి తుంటరి ఝూమ్కారం అనుభూతియైనది
కోటి కనుల ఉషస్సుల సూర్యోదయం నీకు రూపమైనది
అజరామర మకుటం నీ అంతరాత్మవేషం
ఈ అవనిలో ఆవిరైయున్న నీ నీటి ప్రవాహం
ఎన్ని వసంతాలైనా వేలుగొందును నీ యందునా
కన్నీటి బాష్పాలు చెరిగిపోవును నీ చెంతన
రేయైనా , పగలైనా కాంతిపుంజం నిన్ను కాచియుంచునా
దేదీప్యామానాలైనా ఈ దివియందు నీకు దాసోహమే
అదరహో సముద్రమా నీ చెలిమి సంతకం
ఖజురహో శిల్పాలైనా నీ కలిమి యే కదా చరితం
ఆహ్వానించు వారికి అపురూపం నీ ఆత్మీయత
అనుభవించగానే వదలలేరు నీ తియ్యని మమత
ఎన్ని ప్రాణులుఉన్నవే నీ లోకమంటి రాజ్యమున
ఆపద్బాన్దవువై హత్తుకొంటివి నీ హృదయమున
అమ్మలాగా లాలించును ఎగసే నీ ప్రతి అల
ఊయలలో ఊగినట్టుగా ఊహనిచ్చును నీ జోల
ఎలాగా నీవు పుట్టావో మిత్రమా
మా జన్మ జన్మలకు నీ పయనం నిరంతరమా
ఎంతముద్దుగున్నది మెత్తని నీ ఇసుకపరుపు
అదియేనేమో నీవు కప్పుకునే పట్టువస్త్రము
అందాలను అద్బుతంగా చూపించును నీ నయనం
ఆకట్టుకునేలాగా అందివచ్చును నీ బంధం
రానీయకు సుమా ఎన్నడూ నీ ఎర్రటికోపం
విలవిలలాడే  ప్రళయాలకు  అందిస్తూ  నీ  హస్తం 
వారెవ్వా అంటారే నిన్ను చూసిన  జనం 
స్వేచ్చగా బ్రతికేస్తూ నీ నీడలో  ప్రతీక్షణం 
సృష్టి అంతా వ్యాపించియున్న నీ పాదం 
నీ  ప్రేమతోనే సాగాలి  ఈ ప్రకృతి    పర్వం 


!!!!!!!!!!!!!!!!!!!1